Mbrojtësi i Barcelonës, Gerard Pique ka zgjeruar biznesin e tij.
Ish-reprezentuesi spanjoll edhe zyrtarisht ka blerë klubin e futbollit FC Andorra me seli në Kataluni.
Pique këtë klub e ka blerë përmes kompanisë së tij Kosmos.
“Asambleja e përgjithshme e FC Andorra ka miratuar njëzëri transmetimin e aseteve të saj në favor të një kompanie me investitorë të ndryshëm , përfshirë Kosomos”.
Gerard Pique . (Foto: Alex Caparros/Getty Images/Guliver)
“Kosmos përshëndet vendimin e marrë nga klubi. Kompania shton këtë projekt në portofolin e saj global lidhur me ndërmarrjet sportive, mediale dhe argëtuese”, thuhet në deklaratën e kompanisë së mbrojtësit katalunas.
FC Andorra është themeluar në vitin 1942 dhe luan në Divizionin e parë rajonal të Katalunisë.
Klubi katalunas ka kaluar 14 vite në kategorinë e tretë të futbollit spanjoll para se të tërhiqej.
Kujtojmë që Pique në të ardhmen synon të jetë edhe president i klubit të tij aktual Barcelona. /Telegrafi/
