Pioli: Milani ka nevojë për më shumë teknikë dhe cilësi, objektivi mbetet kualifikimi në gara evropiane

Stefano Pioli beson se Milani i tij ka filluar të gjejë frymën e duhur, por pret të përmirësojnë cilësinë për të arritur objektivat e klubit.

Trajneri italian ka folur në konferencën për shtyp para takimit të nesërm (e diel) ndaj Parmas, ku ka folur për ekipin dhe objektivat.

“Gjatë një sezoni, ka ndeshje që vlejnë më shumë se tre pikë të zakonshme. Ne duhet të tregojmë veten dhe të shfrytëzojmë rastet tona”, ka thënë fillimisht Pioli në konferencën e tij për shtyp.

“Natyrisht, Parma është qyteti im i lindjes, prandaj ky takim është i veçantë për mua. Kam kujtime të shkëlqyera atje si lojtar, më pak si trajner, pasi klubi po kalonte një moment të vështirë. Por tani unë jam 100 për qind Milanista”.

“Nuk do të jetë një ndeshje e lehtë, kështu që duhet të ruajmë frymën e ndeshjeve tona të fundit, por të përmirësojmë teknikën dhe cilësinë. Ne duhet të ndalemi së humburi topin aq lehtë”.

📲 Head to our App in case you missed the #ParmaMilan pre-match press conference: https://t.co/SWTea3GYoA 🗣

📲 Sulla nostra App puoi riascoltare le parole del Mister nella conferenza stampa di oggi 🗣#SempreMilan pic.twitter.com/KFvzizyusM

— AC Milan (@acmilan) November 30, 2019

“Evropa është strehë e Milanit, kështu që objektivi ynë duhet të kthehemi në ato gara”.

“Shoh disa gjëra që më pëlqejnë, të tjera që nuk i dua, sepse nuk ka diçka të tillë si një paraqitje perfekte”.

“Ne kemi për të nxituar këtë proces dhe për të marrë rezultate sa më shpejt të jetë e mundur me një futboll të mirë”, përfundoi italiani. /Telegrafi/