Petrovska: Maqedonia do të përgjigjet nëse kërkohet që ushtarët tanë të përforcojnë krahun lindor të NATO-s

Gjendja e jonë e sigurisë është stabile. Për momentin nuk ka indikacione për kanosje të drejtpërdrejta mbi ne nga aspekti i sigurisë. Tani për tani nuk janë regjistruar ndërhyrje nga aspekti i kanosjeve hibride ose çfarëdo veprimesh më serioze, por më shumë institucione në shtet të cilat janë të angazhuara në ditë raportojnë dhe përballen me disa forma më të vogla të dukurive të tilla.

Këtë sot e deklaroi ministrja e Mbrojtjes, Sllavjanka Petrovska pas prezantimit të sistemit të ri intern për menaxhim me furnizimet publike në Ministrinë e Mbrojtjes.

“Lidhur me kanosje hibride, Republika e Maqedonisë së Veriut si pjesë e NATO-s por në përgjithësi edhe si shtet i Ballkanit në vazhdimësi ndodhet nën presion ose kanosje potenciale”, deklaroi Petrovska.

Shtoi se një prej përfitimeve kryesore të mëdha të anëtarësimit në NATO është që Republika e Maqedonisë së Veriut ka kapacitete ta garantojë sigurinë e saj por është edhe pjesë e sistemit kolektiv për sigurinë e Aleancës.

Në pyetjen e gazetarëve se cilat janë arsyet e dëbimit të diplomatëve të huaj dhe nëse lidhen me sigurinë e shtetit, ministrja Petrovska potencoi se MPJ është kompetente të reagojë ndaj informacioneve që i marrin shërbimet e sigurisë dhe të inteligjencës.

“Është duke u punuar në një rast kur është shkelur Konventa e Vjenës për sjelljen e diplomatëve në shtetin tonë. Që do të thotë se ata me veprimet e tyre në njëfarë mënyre i kanë shkelur, i kanë tejkaluar autorizimet e tyre”, tha ministrja e Mbrojtjes.

Duke iu përgjigjur pyetjes së gazetarëve për sigurinë e informacioneve që shkëmbehen me aleatët e NATO-s, ministrja Petrovska sqaroi se shkëmbimi i informacioneve që i marrin dhe i kthejnë mbrapa përmes sistemit të komunikimit në kanalet e NATO-s është i sigurt dhe është duke u punuar për sistem të menaxhuar dhe të drejtuar nga strukturat e NATO-s.

E pyetur lidhur me dërgimin e trupave tanë në krahun lindor në NATO, për atë se çfarë është diskutuar në Bruksel, për çfarë lloj pajisje dhe çfarë është kërkuar nga shteti ynë, Petrovska decide se nuk bëhet fjalë për dërgimin e ushtarëve të Armatës së vendit por për nevojën e përforcimit të krahut lindor të NATO-s, që zbatohet nga të gjithë 30 aleatët. Vendet të cilat janë përcaktuar se ku do të rritet prania e forcave të NATO-s, informoi, janë Bullgaria, Rumania, Polonia dhe Hungaria.

“Kjo bëhet në pajtim me planet për sistemimin e NATO-s, në të cilën Maqedonia e Veriut nuk është e përfshirë pasi ato janë bërë deri në vitin 2016 por për shkak të angazhimit të madh do të jetë e dukshme nevoja edhe e përfshirjes së shtetit tonë. Por, vendim për përfshirjen shtesë të tillë nuk kemi sjellë akoma, as nuk jemi prononcuar si shtet. Duke e pasur parasysh dinamikën e terrenit nëse diçka konkret është kërkuar prej nesh, do të përgjigjemi në mënyrë përkatëse”, deklaroi ministrja e Mbrojtjes, Petrovska.

Lidhur me atë nëse jemi të gatshëm, ajo potencoi se Armata gjithmonë është e gatshme t’u përgjigjet sfidave që janë nga fushëveprimi i punës së saj.