Pesë klube të mëdha të interesuara për transferimin e Koundes

Mbrojtësi i Barcelonës, Jules Kounde ka përfunduar në radarin apo listën e dëshirave të shumë klubeve të mëdha evropiane, pasi e ardhmja e tij nuk është e sigurt në Camp Nou.

Barcelona thuhet se po planifikon të riparojë mbrojtjen e tyre duke shitur disa lojtarë dhe Kounde mund të jetë njëri nga ta.

Sipas gazetës Mundo Deportivo, Chelsea, Paris Saint-Germain, Manchester United, Inter dhe Newcastle United po bëjnë presion për të nënshkruar me Kounde.

Kounde është ndër lojtarët, e ardhmja e të cilëve në Barcelonë nuk është e garantuar, duke përfshirë të tjerë si Ronald Araujo dhe Andreas Christensen.

🔵🔴 La lista de equipos interesados en Koundé se amplía

➡️ A Chelsea, PSG y Manchester United, en Italia suman ahora al Inter de Milán y en Inglaterra al Newcastle

✍️ @gbsans https://t.co/6SwjQQWGAU

— Mundo Deportivo (@mundodeportivo) May 7, 2024

Megjithatë, mbrojtësi francez ka qenë një nga lojtarët më të mirë të Barçës që nga fillimi i vitit – ai nuk ka bërë asnjë gabim të vetëm që çon në një gol dhe ka ndihmuar klubin të regjistrojë 16 porta të paprekur në 44 paraqitjet e tij.

Kounde gjithashtu ka shënuar katër asistime dhe dy gola këtë sezon. E gjithë kjo shpjegon pse shumë klube të mëdha janë në kërkim të nënshkrimit të tij.

Barça nënshkroi Kounden nga Sevilla për 50 milionë euro në vitin 2022 dhe ai e ndihmoi klubin të fitonte ligën atë sezon. Tani mbetet se sa do ta shisnin nëse ai me të vërtetë largohet në fund. /Telegrafi/