Përzgjedhësi i Spanjës, Enrique: Kosova ekip i rrezikshëm, guxojnë dhe dalin në sulm më shumë se Greqia e Gjeorgjia

Kosova do të luajë kundër Spanjës të mërkurën nga ora 20:45, ndeshje e vlefshme për kualifikueset për Kupën e Botës Katar 2022.

Përzgjedhësi i Spanjës, Luis Enrique, ka folur para ndeshjes për media, duke analizuar këtë ndeshje të rëndësishme për skuadrën e tij.

“Unë pres një rival si në ndeshjet e mëparshme. Është një ekip ndryshe nga Greqia dhe Gjeorgjia”.

“Ata janë të guximshëm dhe do të na rrezikojnë. Është një ekip që më pëlqen. Ata guxojnë të rrezikojnë. Kanë një sulm të mirë që mban topin. Unë pres një kundërshtar të vështirë”, ka thënë fillimisht Enrique.

🗣️ @LUISENRIQUE21: "Me espero un rival como en anteriores partidos, pero es un equipo diferente a Grecia y Georgia".

➡️ "Son atrevidos, valientes, presionan arriba y es una selección que me gusta porque toma riesgos. Nos van a complicar la vida".#SomosEspaña #SomosFederación pic.twitter.com/uyy9jbZBEY

— Selección Española Masculina de Fútbol (@SEFutbol) March 30, 2021

Tutje ai u ndal dhe foli për gjendjen e lojtarëve si Jordi Alba dhe Sergio Ramos, pasi për këtë të fundi u fol se nuk është në gjendjen më të mirë.

“Alba është shumë vendimtar në fazën sulmuese. Unë e kam parë atë në një nga versionet e tij më të mira. Jam i kënaqur dhe shpresoj që ai të vazhdojë kështu”.

🗣️ @LUISENRIQUE21: "@JordiAlba está en la misma línea que le he visto en su club en los últiimos meses".

➡️ "Está muy atento en la línea ofensiva y también en la defensiva. Le he visto en una de sus mejores versiones. Espero que siga así".#SomosEspaña #SomosFederación pic.twitter.com/1xS0qfgTjS

— Selección Española Masculina de Fútbol (@SEFutbol) March 30, 2021

“Sergio është në gjendje të mirë dhe unë do ta komunikoj vendimin nesër. Gjithmonë do të ketë spekulime”, deklaroi ai. /Telegrafi/