Përse kërcimi i litarit është një ushtrim ideal pas kalimit në moshën dyzetvjeçare?

Të dyzetat janë vitet kur trupi fillon të ndryshojë ndjeshëm

Pos që ngadalësohet metabolizmi për më shumë se 2% në krahasim me të tridhjetat, mund të humbet madje 8% e masës së muskujve nëpërmjet shpenzimit të kalorive.

Për këtë arsye është me rëndësi që ende të mbani aktiv trupin, ndërsa ne po ju zbulojmë cili ushtrim ka më shumë efekt për gratë e moshave dyzet dhe pesëdhjetëvjeçare.

Fiziologu dhe trajneri i atletikës Mathew Welch ka thënë se ushtrimi ideal do të ishte kërcimi i litarit. Ndërsa është e vërtetë që çdo lloj stërvitjeje që përfshin kërcimin mund të ndihmojë në përmirësimin e densitetit mineral kockor dhe masës muskulore.

“Një aktivitet si kërcimi i litarit i ekspozon kockat, muskujt, tetivat dhe ligamentet tuaja ndaj përpjekjes me të cilin ata mund të përshtaten pozitivisht”, ka thënë trajneri Mathew, transmeton Telegrafi.

Gradualisht me këtë ushtrim përfshihen hormonet e caktuara të cilat ndihmojnë në rregullimin e prodhimit të estrogjenit dhe madje mund të largojnë humbjen e densitetit të kockave dhe masës muskulore lidhur me plakjen.

Një studim i vitit 2015 me 60 gra të moshave 25 deri në 50 vjeç zbuloi se ato që bënin kërcime dy herë në ditë për 16 javë panë përmirësime në densitetin mineral të kockave të ijëve. Nga ana tjetër, një grup kontrolli që nuk kryente ushtrime kërcimi, vuri re një ulje të densitetit kockor.

Përveç densitetit të kockave, kapërcimi i litarit ka përfitime të tjera për trupin tuaj. Do të rrisë rrahjet e zemrës, gjë që mund të përmirësojë funksionin tuaj kardiovaskular dhe të sigurojë stabilitet dhe palestër më të mirë. Edhe pse shumë stërvitje zgjasin 20, 30 ose 60 minuta, kapërcimi i litarit bëhet më së miri në intervale shumë më të shkurtra.

Sipas Welch, është më mirë të filloni duke kërcyer me litar për tre deri në pesë grupe nga 20 deri në 30 sekonda secila. “Mjaftojnë vetëm dy herë në javë”, tha trajneri, duke shtuar se gradualisht do ta përmirësoni stërvitjen ndërsa përmirësoheni. Ai propozoi planin e tij:

Java 1: tre deri në pesë grupe prej 20 deri në 30 sekonda
Java 2: tre deri në pesë grupe nga 30 deri në 45 sekonda
Java 3: Tre deri në katër grupe nga 60 deri në 75 sekonda
Java 4: Katër grupe nga 60 deri në 75 sekonda

/Telegrafi/