Përkundër transformimeve të shumta për role, Jared Leto duket për mrekulli

Jared Leto është një nga ata meshkuj, dukja e të cilit sfidon moshën, ndërsa ai shpeshherë u kujton 11 milionë ndjekësve të tij se sa mirë duket.

Në postimin e tij të fundit në Instagram, ka pozuar pa këmishë dhe ka treguar trupin muskuloz, i cili është vërtet mbresëlënës për një 51 vjeçar.

“Dukesh si një skulpturë. Cili është sekreti i mbretit vegan?”; “Si mund të dukesh kështu në moshën 51 vjeçare?” – janë disa nga pyetjet e shumta që janë bërë rreth fotografisë.

Fatkeqësisht, nuk e dimë përgjigjen, sepse Leto është shumë i fshehtë kur bëhet fjalë për mbajtjen e vetes në formë.

“Kam një përgjigje të mirë për këtë, por ndoshta nuk do t’jua them. Më pëlqen kur njerëzit spekulojnë. Dhe në fund të fundit, nuk ka shumë rëndësi”, kishte deklaruar aktori dhe këngëtari për Men’s Health në vitin e kaluar.

Ajo që dihet është se Leto është vegan prej më shumë se dy dekadash. Aktiviteti i tij i preferuar është ngjitja në shkëmbinj.

Lexo po ashtu Katërmbëdhjetë aktorët që ndryshuan drastikisht vetëm për një rol

Për më shumë, ai ka bërë transformime të shumta në fizikun e tij për rolet filmike. Aktori humbi 13 kilogramë për rolin e tij në “Dallas Buyers Club” (2012) dhe përfundoi duke fituar një Oscar. Leto.

Si Mark David Chapman (vrasësi i John Lennon) në filmin “Chapter 27” (2007), shtoi 30 kilogramë, gjë që i solli kolesterol të lartë, dhimbje shpine dhe një rrahje të parregullt të zemrës. Madje duhej të qëndronte ulur një karrige me rrota në disa raste, për shkak të peshës së tij. /Telegrafi/