Përkeqësohet gjendja e refugjatëve

Sipas Alsat-M, vazhdon të mbetet alarmante situata me emigrantët në Idomeni të Greqisë. Në kampin e improvizuar në kufi me Maqedoninë kanë arritur ekipe mjekësore nga Qendra Kombëtare e Greqisë për sëmundje dhe kontroll të cilët po kryejnë vaksinimin kundër Hepatitit, transmeton Telegrafi Maqedoni.

“Ne erdhëm këtu pasi zbuluam se një vajzë siriane është prekur nga hepatiti A ndërsa e njëjta është duke u trajtuar në spitalin Ipokratio. Prandaj, tani në mënyrë selektive po bëjmë vaksinimin e të gjithë atyre që ishin në kontakt të ngushtë me vajzën,” deklaroi Thanasis Yannopoulos, KEELPNO.

Më shumë se 40 për qind e banorëve të kampit janë fëmijët dhe foshnje. Gjithashtu ka pasur një numër të madh të grave shtatzëna në kamp, të cilat kanë shkuar në spitalet e afërta për të lindur dhe pastaj janë kthyer me foshnjat e porsalindura përsëri në kamp.

“Nuk ka ujë të pastër, nuk ka ushqim, dhe unë nuk mund të ushqyej foshnjën me gjië. Edhe ushqimi nuk kemi mjaftueshëm. Unë kërkoj liderët e BE-së të jenë të mëshirshëm për fëmijët tanë këtu.. Ka fëmijë që po vdesin, falënderoj Zotin që vajza ime nuk është prekur, por ka fëmijë në spitali që janë duke vdekur për shkak të kushteve këtu,” u shpreh një refugjate.

Ndërkohë Organizatat humanitare dhe ato të ndihmave mjekësore njoftojnë se emigrantët nuk mund të durojnë dhe shumë gjatë. Gjithçka në kamp është përmbytur për shkak të reshjeve, dhe tendat po degradojnë./Telegrafi/