Përfaqësuesi i FIFA-s, Alessandro Gramaglia flet për projektet në futbollin kosovar në Kuvendin Zgjedhor të FFK-së

Përfaqësuesi i FIFA-s, Alessandro Gramaglia është deklaruar rreth Kuvendit Zgjedhor të FFK-së.

Ai ka thënë se qysh në takimin e parë me krerët e futbollit kosovar, ka parë një entuziazëm të madh për të zhvilluar edhe më tej projekte të mëdha dhe se ndihet i lumtur për pjesëmarrjen e tij në këtë konvent.

“Jemi shumë të lumtur që jemi këtu. Është hera ime e parë në Kosovë. Është nder të jem këtu. Së pari do të doja t’iu përcjell mesazhin dhe përshëndetjet nga presidenti i FIFA, Gianni Infantino, sekretares së përgjithshme, Fatma Samura dhe si nga gjithë administrata e FIFA”, ka thënë fillimisht Gramaglia.

Lexo po ashtu Agim Ademi zgjidhet kryetar i FFK-së pa asnjë votë kundër, gjithçka çfarë ndodhi në Kuvendin Zgjedhor

“Java e kaluar ishte shumë javë e rëndësishme për FIFA në historinë e re. Ishte hera e parë që nga fillimi i Covid-19 që FIFA mund të mblidhej në një takim me prezencë fizike, për të diskutuar për Kupën e Botës 2022”.

“FIFA ishte jashtëzakonisht e lumtur që mirëpriti edhe Kosovën, të përfaqësuar nga presidenti Ademi, në kongresin e FIFA për Kupën e Botës”.

“Kalova shumë pak orë këtu në Kosovë, sepse erdha mbrëmë vonë, por mund të ndjejë pasionin për futbollin në këtë vend. Përkundër se Kosova nuk u kualifikua në Kupën e Botës, por jam i sigurt se kjo do të arrihet në vitet e ardhshme, me investime në infrastrukturë dhe te të rinjtë. Vullneti dhe dëshira është e gjallë”.

Lexo po ashtu Duka para pjesëmarrësve në Kuvendin Zgjedhor të FFK-së: Në futbollin kosovar është bërë shumë

“Siç jeni në dijeni, FIFA dhe FFK bashkëpunojnë dhe posaçërisht në programe si ‘Forëard’. Ne kemi kënaqësinë që shohim zhvillime në futbollin e Kosovës dhe që ka të harmonizuar secilën rregullore sipas FIFA dhe UEFA. Kemi pasur kënaqësinë edhe për faktin që Kosova ka zbatuar projektin e VAR. Kemi pasur mundësi ta përkrahim këtë projekt dhe ky projekt ndodhi fillimisht në shtete të tjera, por jemi të lumtur që edhe Kosova zbaton këtë”.

“Në fund, dua të shfrytëzoj mundësinë për thirrje për unitet në futboll dhe për qeverisje të mirë në struktura të futbollit. Inkurajojmë FFK për të vazhduar kontaktin me FIFA dhe UEFA dhe të rishikojë statutet e veta për të qenë gjithmonë në harmoni me pikat më të mira të FIFA dhe UEFA”, ka thënë Gramaglia. /Telegrafi/