A përdorni vaj kokosi në flokët tuaj? Ja pse është më mirë të ndaloni

Ashtu si konturimi në grim dhe avokadot, vaji i arrës së kokosit është bërë një element kryesor në rutinën e shumë vajzave.

Njerëz të famshëm si Kourtney Kardashian dhe Miranda Kerr kanë treguar përfitimet nga përdorimi i vajit vitet e fundit dhe markat kanë krijuar tërë produktet e bukurisë duke i shtuar përmbajtjen e vajit të arrës së kokosit.

Nëse nuk keni përdorur vaj kokosi për depilim të këmbëve ose zbardhim dhëmbësh, ju keni humbur truqe të rëndësishme. Plus, përveç vajit të ullirit, vaji i arrës së kokosit mund të jetë alternativa tjetër më e mirë (dhe më e shëndetshme) për gatimet tuaja në kuzhinë.

Sidoqoftë, përpara se ta copëtoni atë dhe të filloni përdorimin nga koka te këmbët, mund të dëshironi të dëgjoni këshillat e ekspertëve.

Pasi lajmet thanë që vaji i arrës së kokosit mund të jetë i keq për disa lloje të lëkurës, parukieri Ross Charles tregon këshillat e tij.

A është vaji i arrës së kokosit i mirë apo i keq për flokët tuaj të thatë?

“Njerëzit shpesh përdorin vajra flokësh për të zbutur flokët e tyre, por unë shpesh them se kur flokut i duhet lagështi, është i etur dhe ka nevojë për ujë. Në fakt, vaji dhe uji nuk është mirë të përzihen. Vaji e zmbraps ujin ose e shtyn atë nga flokët dhe e ndalon atë të futet në flokë”, tregon Ross Charles.

Çfarë saktësisht po i bën vaji i arrës kokosit flokëve?

“Nëse flokët tuaj janë dëmtuar nga eksperimentet tuaja me ngjyra ose janë të dobëta dhe të brishta, ju duhet të konsumoni aminoacide (mish, djathë, vezë, patate) për flokët, kështu që vaji nuk është i duhuri për përdorim”, tha ai.

“Vajrat e flokëve dhe veçanërisht vaji i arrës së kokosit, priren të depërtojnë në çdo vrimë të vogël në boshtin tuaj të flokëve dhe të maskojnë problemin e vërtetë për të vepruar si një rregullim i shpejtë, kjo nuk do t’ju ndihmojë flokët tuaj në planin afatgjatë dhe është një nga arsyet kryesore që unë këshilloj kundër përdorimit të vajrave në flokët tuaj”, përfundon ai. /Telegrafi/