Për shkak të kërkesës të dobët për vetura elektrike, Volkswagen mori një vendim të rëndësishëm

Volkswagen braktisi një investim të rëndësishëm për shkak të tendencave të tregut.

Duke qenë se rritja e kërkesës për vetura elektrike në Evropë nuk po ecën me intensitetin e planifikuar, Volkswagen ka vendosur të ngadalësojë pak me investime. Edhe pse këtë vit shënuan rritje të ndjeshme të shitjeve të modeleve elektrike, Volkswagen vendosi të heqë këmbën nga gazi kur bëhet fjalë për investime në kapacitete të reja prodhuese.

“Bazuar në kushtet e tregut, duke përfshirë ngadalësimin e rritjes së tregut të automjeteve elektrike me bateri në Evropë… nuk ka asnjë arsye biznesi për të marrë vendime për vendndodhje të reja për momentin”, tha Oliver Blume, shefi ekzekutiv i Volkswagen, në një deklaratë të lëshuar nga Skoda, raporton reuters.

Është rezultati i takimit të Blume me përfaqësuesit e Skodës, të cilët po bëjnë presion për ndërtimin e një giga-fabrikë në Çeki. Me këtë, Volkswagen ka vendosur të shtyjë vendimin, pra të lërë në pritje vetë idenë e ndërtimit të një gjiga-fabrika në Evropën Lindore.

Për këtë arsye, kryeministri çek deklaroi se nuk do të mund ta mbajë vendin e planifikuar për atë projekt për shumë kohë dhe njoftoi se do të fokusohet në projekte të tjera. Josef Sikela, ministri çek i Industrisë, tha se kanë filluar bisedimet me pesë investitorë të tjerë dhe dy propozime janë në nivelin e Volkswagen.

Kjo është hera e dytë që Volkswagen shtyn një vendim për një fabrikë gjigante baterish në Evropën Lindore. Lokacionet e mundshme për ndërtimin e fabrikës janë, përveç Republikës Çeke, Hungaria, Polonia dhe Sllovakia.

Tre termocentralet aktuale në Gjermani, Spanjë dhe Kanada kanë një kapacitet vjetor prej 200 GWh, që është më pak se 240 GWh e paralajmëruar më parë. Libri i porosive të Volkswagen në Evropë përfshin vetëm 150 mijë vetura elektrike, ose gjysmë më pak se vitin e kaluar. /Telegrafi/