Pensionohet Tom Brady – Njëri nga më të mirët e të gjitha kohërave tërhiqet nga futbolli amerikan pas 22 vitesh të kaluara në NFL

Konfirmohet fundi i karrierës së Tom Brady në NFL. Amerikani është pensionuar nga futbolli profesionist pas 22 sezonesh dhe shtatë unazash në “Super Bowl”.

Gazetarët e ESPN, Adam Schefter dhe Jeff Darlington konfirmuan momentet e daljes në pension të Brady para se NFL të postonte në llogaritë e tyre në mediat sociale një nderim për karrierën e Brady.

Brady fitoi shtatë Super Bowls, gjashtë me New England Patriots dhe një me Tampa Bay Buccaneers në sezonin e tij të parë.

Lexo po ashtu Tom Brady fiton ‘Super Bowl’ për të shtatën herë dhe të parin me Tampa Bay

NFL dhe bota e sportit njoftuan daljen në pension të Bradyt, ndërsa njoftimi i tij publik erdhi vetëm tani në mbrëmjen e së shtunës.

44-vjeçari nga Kalifornia njihet si njëri nga lojtarët më të dekoruar dhe më të famshëm të NFL-së.

Brady përmendet gjerësisht si qendërmbrojtësi më i madh i të gjitha kohërave dhe konsiderohet gjithashtu si njëri nga lojtarët më të mëdhenj të NFL-së.

Ndryshe, ai po mendonte pensionimin disa vite para sezonit 2021, por donte të provonte që kundërshtuesit e tij e kishin gabim duke shkuar dhe duke fituar një Super Bowl me një ekip që nuk ishte New England Patriots. /Telegrafi/