Pasardhësi i Honda Prelude thuhet se do të arrijë në 2028 si një veturë elektrike

Kanë kaluar më shumë se dy dekada që nga preludi i fundit i Honda. E ndërprerë në vitin 2001, kupeja sportive me dy dyer ishte ndër automjetet emocionuese në linjën e gjerë të markës japoneze.

Por meqenëse ringjallja e emrave të vjetër është bërë gjëja kryesore vitet e fundit, ka shpresë edhe për rikthimin e Prelude.

Me elektrifikimin që tashmë është duke u përhapur për prodhuesin japonez të automjeteve, një thashetheme e fundit nga Japonia thotë se pasardhësi i Prelude mund të jetë një veturë elektrike dhe do të prezantohet në vitin 2008, raporton motor1, transmeton Telegrafi.

Në fakt, modeli tashmë ishte shfaqur në udhërrëfyesin EV të Hondas, i cili u zbulua në prill të këtij viti.

Thashethemet erdhën nga ueb-faqja japoneze Best Car Web, duke deklaruar se dy makinat sportive elektrike të shfaqura nga Honda në udhërrëfyesin e lëshuar nga ta, janë pasardhësit Prelude dhe NSX.

Acura NSX është përfolur prej kohësh për t’u rikthyer si një model tërësisht elektrik, madje është lënë të kuptohet nga vetë Zëvendës Presidenti dhe Zyrtari i Markës Acura, Jon Ikeda.

Megjithatë, Honda zyrtarisht tha se këto dy makina sportive elektrike do të jenë një specialitet dhe një model kryesor – të dyja do të ofrohen në tregun global.

Përveç udhërrëfyesit të veturave elektrike të paraqitur më lart, Honda gjithashtu ndau disa njohuri rreth planit të saj për këtë dekadë. /Telegrafi/