Pas tubimit të AAK-së në Pejë, Ali Berisha falënderon qytetarët për pritjen që i bënë Haradinajt

Kandidati për deputet nga radhët e AAK-së, Ali Berisha pas tubimit të sotëm të partisë së tij në Pejë, ka folur në cilësinë nikoqirit, si kryetar i degës së këtij subjekti, ku ka falënderuar qytetarët pejan për pjesëmarrje në tubim.

Berisha ka kujtuar se edhe rrugëtimi fillestar i kandidatit për Presidentit Haradinaj ka filluar në Pejë.

“Peja nuk harron. Presidenti i ardhshëm, Komandanti i ardhshëm Suprem i Forcave të Armatosura, Ramush Haradinaj sot dridhi Pejën, qytetin që e mbajti të bashkuar, qytetit që i dha shumë si Kryeministër, Pejën që e do me zemër”, shkruan ndër të tjera ai në Facebook.

Ali Berisha në disa mandate ishte Deputet i Kuvendit të Kosovës nga radhët e AAK-së ndërsa për një mandat ishte zëvendësministër i parë i shëndetësisë në Qeverinë e Republikës së Kosovës.

Në vitet 2008-2013 ishte kryetar i Komunës së Pejës, i zgjedhur me votë të drejtpërdrejt.

Ai tani garon edhe për një mandat të ri në Kuvendin e Kosovës.

Postimi i plotë:

Peja nuk harron. Presidenti i ardhshëm, Komandanti i ardhshëm Suprem i Forcave të Armatosura, Ramush Haradinaj sot dridhi Pejën, qytetin që e mbajti të bashkuar, qytetit që i dha shumë si Kryeministër, Pejën që e do me zemër.

Sot filloi festa e Aleancës, këtu ku lindi Aleanca. Sot në Pejë po i japim FORCË KOSOVËS, po i japim frymë fitores madhështore drejt ndryshimit të sigurtë për atdheun tonë.

Rruga e Presidentit Haradinaj ka filluar në Pejë!

NE JEMI FORCA E ALEANCËS!

NE JEMI FORCA E KOSOVËS!

#135 . /Telegrafi/