Pas më shumë se 40 vitesh ndërpritet kontrata, Panini nuk do të bëjë më ‘albume’ për Kampionatet Evropiane

Panini nuk do të bëjë më libra ngjitëse apo ‘albume’ për Kampionatet Evropiane në të ardhmen, megjithëse dikush tjetër do të marrë përsipër këtë detyrë.

Çdo dy vjet, ose tre kur godet pandemia, tifozët e futbollit bëhen po aq të çmendur për ngjitëse albumesh futbolli sa fëmijët e vegjël.

Tifozëve të futbollit kudo në botë u pëlqen të mbledhin ngjitësit e tyre dhe t’i vendosin ato në librat e tyre, duke u përpjekur të afrohen sa më afër plotësimit të të gjithë ‘albumit’ në kohë deri në fund të turneut.

Të gjithë me siguri kanë pasur një libër Panini në një moment në të kaluarën, por tani e tutje nuk do ta kenë rastin t’i mbushin më për Kampionate Evropiane, pasi kontrata e tyre me UEFA-n ka përfunduar.

The UEFA WOMEN’S EURO 2022 Official Sticker Collection is coming soon! Keep an eye out on our pages for the latest updates ⚽️#WEURO2022 #InternationalWomensDay @UEFAWomensEURO @Lionesses @NorthernIreland pic.twitter.com/3cHKXS7rBB

— Panini UK & Ireland (@OfficialPanini) March 8, 2022

Sipas mediumit ESPN, Kampionati Evropian i femrave këtë verë do të jenë libri i tyre i fundit për ta, pasi UEFA ka vendosur t’i zëvendësojë ata me ‘Topps’ që nga edicioni i Euro 2024.

“Kampionati Evropian është ngjarja më e madhe dhe më prestigjioze e futbollit në nivel kombëtar në Evropë”, ka thënë fillimisht menaxheri i përgjithshëm i sporteve dhe argëtimit ndërkombëtar në Topps, Mark Caitlin.

“Ata mburren me një trashëgimi kur bëhet fjalë për ngjitëset, tregtimin e kartave dhe sendet e koleksionit. Ky partneritet është një hap i madh, me më shumë që do të vijnë në rrugën tonë drejt Euro 2024 dhe më tej”, përfundoi ai.

Topps ishte tashmë një nga partnerët zyrtarë të Ligës së Kampionëve, së bashku me Ligën e Evropës dhe Ligën e Konferencës.

Ata tani do të bashkëpunojnë edhe me UEFA-n për të gjitha turnetë e tyre ndërkombëtare, Kampionatet Evropiane për meshkuj dhe femra si dhe Ligën e Kombeve.

Sipas raportit, detajet e marrëveshjes nuk u njoftuan, por ajo pretendoi se do të prodhonin albume deri në vitin 2028, të cilat do të na çojnë në Evropianin që pritet të mbahet nga Anglia, Uellsi, Skocia, Irlanda Veriore dhe Republika e Irlandës.

Panini do të vazhdojë të bëjë një ‘album’ edhe në fund të këtij viti, për Kupën e Botës në Katar, pasi marrëveshja e tyre me FIFA-n mbetet në fuqi.

Përveç ngjitëseve, përgatitjet për turneun në Lindjen e Mesme në nëntor dhe dhjetor sigurisht që po rriten, me shortin që u zhvillua javën e kaluar.

Ndryshe, Panini ka prodhuar ngjitëse dhe karta për Kampionatin Evropian që nga viti 1977. /Telegrafi/