Pas shembjes së tunelit dhe ngujimit të 40 punonjësve, autoritetet indiane vazhdojnë operacionin e shpëtimit

Autoritetet në shtetin verior indian të Uttarakhand, po përpiqen të shpëtojnë rreth 40 punëtorë që janë të bllokuar brenda një tuneli të shembur.

Punëtorët ishin duke ndërtuar tunelin kur një pjesë e tij u shemb mëngjesin e së dielës, për shkak të një rrëshqitjeje dheu.

Një zyrtar i lartë tha se kontakti është vendosur me burrat dhe atyre u po u jepet oksigjen dhe ushqim, transmeton Telegrafi.

Megjithatë, shpëtimtarët ende duhet të gërmojnë para se të mund të fillojnë evakuimin e punëtorëve.

More than 50 People trapped inside Tunnel in Uttarkashi

Efforts are being made to supply Oxygen & Food, Hope all get out Safely#Uttarkashi #DelhiPollution #Delhi #DelhiNCR #AQI #HappyDiwali #गोवर्धन_पूजा #GovardhanPuja #Election2023 pic.twitter.com/5dn4FiNtUS

— Veena Jain (@DrJain21) November 13, 2023

“Gjithçka ndodhi në orën 5 të së dielës – ku një pjesë e tunelit Silkyara u shemb ndërsa punëtorët ishin brenda”, tha zyrtari i lartë i policisë Arpan Yaduvanshi.

Tuneli Silkyara në distriktin Uttarkashi është pjesë e projektit ambicioz të autostradave të qeverisë federale për të përmirësuar lidhjet me vendet e famshme të pelegrinazhit në Uttarakhand.

Landslide In Uttarkashi:

यमुनोत्री NH पर निर्माणाधीन सुरंग में भूस्खलन, 25 से ज्यादा मजदूर फंसे होने की सूचना, रेस्क्यू ऑपरेशन जारी… मजदूरों को टनल से निकालने की हर मुमकिन प्रयास..

UK: रविवार को दिन निकलते ही उत्तराखंड में ब्राह्मखाल-यमुनोत्री राष्ट्रीय राजमार्ग पर… pic.twitter.com/QUyPbjrQgY

— TRUE STORY (@TrueStoryUP) November 12, 2023

Shteti malor, ku ndodhen disa majat dhe akullnajat e Himalajeve, është shtëpi e disa prej vendeve më të shenjta për hindutë. Një rrëshqitje dheu pranë shkaktoi rënien e madhe të mbetjeve mbi tunel, duke çuar në shembjen e tij.

Autoritetet thanë se arritën të vendosin kontakt me punonjësit e bllokuar të dielën në darkë duke përdorur radiolidhje.

Around 40-50 labours working at under construction tunnel at #uttarkashi are trapped since morning even as the rescue teams making efforts to reach out them. Shortage of oxygen is a concern says police pic.twitter.com/s5EvaD6t8s

— Anupam Trivedi (@AnupamTrivedi26) November 12, 2023

Ata gjithashtu thanë se një tubacion që ishte vendosur për të furnizuar tunelin me ujë për punët e ndërtimit, tani po përdoret për të furnizuar me oksigjen, ushqim dhe ujë punëtorët.

Videot nga vendi i aksidentit, tregojnë JCB-të duke pastruar baltën dhe gurët ndërsa shpëtimtarët japin udhëzime. /Telegrafi/