Pas miratimit në lexim të parë nga Këshilli i Ministrave, këta janë hapat e ardhshëm deri në hyrjen në fuqi të liberalizimit të vizave  

Këshilli i Ministrave i Bashkimit Evropian në një postim në Twitter ka konfirmuar se i është dhënën drita e gjelbër liberalizimit të vizave për Kosovën, gjersa një vendim i tillë më pas duhet të miratohet edhe në Parlamentin Evropian.

Rregullat e reja të lëvizjes në Bashkimin Evropian i mundësojnë qytetarëve të Kosovës të udhëtojnë në BE pa viza për një periudhë qëndrimi prej 90 ditësh, në çdo periudhë 180-ditore, ndërsa ato rregulla do të aplikohen më së voni më 1 janar 2024, atëherë kur do të aplikohet edhe sistemi ETIAS.

“Vendet e BE-së kanë rënë dakord: mbajtësit e pasaportave të Kosovës do të mund të udhëtojnë në BE pa vizë. Rregullat e reja duhet të miratohen nga Parlamenti Evropian përpara se të hyjnë në fuqi. Ato do të aplikohen më së voni deri më 1 janar 2024”, shkruhet në postimin në Twitter, raporton Telegrafi.

? EU countries have agreed: Kosovo* passport holders will be able to travel to the EU without a visa.

The new rules need to be adopted by the @Europarl_EN before entering into force. They will apply by 1 January 2024 at the latest.

More about the EU visa policy ⬇️#JHA

— EU Council (@EUCouncil) March 9, 2023

Por, cilat janë hapat tjerë deri në hyrjen në fuqi të liberalizimit të vizave?

Pas miratimit në lexim të parë të vendimit nga Këshilli i Ministrave, kjo duhet të miratohet edhe nga Parlamenti Evropian.

E për këtë ka shkruar edhe gazetarja në Bruksel, Gjeraqina Tuhina.

Tuhina në një postim në Twitter shkruan se vendet anëtare të BE-së miratuan në lexim të parë ‘vendimin’ për liberalizimin e vizave për Kosovën, që pritet që më së largu të hyjë në fuqi më 1 janar 2024.

“Duhet të votojë edhe Parlamenti Evropian, me shumë gjasa gjatë seancës plenare të prillit”, shkruan Tuhina.

#EU member states adopted their position at first reading on visa-free for Kosovo. Visa lib to enter into force on 01.01.2024 at the latest. #EP still needs to vote, likely during the April plenary.

— Gjeraqina Tuhina (@gjeraqina) March 9, 2023

Më pas vendimi publikohet në Gazetën zyrtare me datën e hyrjes në fuqi.

Por, çfarë është sistemi ETIAS?

ETIAS është sistem evropian për autorizim dhe informacione rreth udhëtimit dhe është sistem krejtësisht elektronik.

Në këtë sistem kërkohet emri, vendi i lindjes, gjinia, kombësia dhe secili që plotëson formularin duhet të ketë pasaportë, email dhe një kartelë krediti për të kryer pagesën simbolike për këtë dokument.

Autorizimi për udhëtim lëshohet shpejt dhe në mënyrë automatike, përveç nëse ka dyshime për të kundërtën.

Dokumenti valid ETIAS më pas rishikohet nga roja kufitare e shtetit, që merr vendimin final për hyrjen potenciale të udhëtarit në një vend të Zonës Schengen. /Telegrafi/