Achraf Hakimi ia ka dedikuar festën e golit të tij ndaj Burkina Fasos, bashkëlojtarit të tij te Interi, Christian Eriksen.
Eriksen shtangu botën e futbollit pasi u rrëzua pa ndjenja në fushë gjatë ndeshjes së Danimarkës ndaj Finlandës.
Kapiteni danez kishte një sulm të zemër dhe vetëm pas disa minutave intervenim mjekësor urgjent, Eriksen u këndell paksa dhe u nis për në spital.
Gjendja e tij preku të gjithë, por në veçanti bashkëlojtarët e tij te kombëtarja dhe ata të Interit.
Kjo pasi Romelu Lukaku ia dedikoi festën e golit danezit, pasi shënoi në fitoren e Belgjikës ndaj Rusisë.
Lukaku nuk ishte i vetmi, pasi një gjë të tillë e bëri edhe Hakimi.
Hakimi gjithashtu ia dedikoi golin e tij në ndeshjen e Marokut ndaj Burkina Fasos. /Telegrafi/
Luani dhe fitoni shpërblime këtu >Më shumë lajme nga kampionati Euro 2020 > --
