Pas huazimit te Interi, Rafinha: Messi e Suarez më thanë se po shkon tek një gjigant botëror

Rafinha zbulon këshillën që i është dhënë për t’u bashkuar me Interin.

“Milan Derby është në nivelin e Barcelonës-Real Madrid dhe Serie A është një universitet i futbollit”.

Mesfushori sapo është rikuperuar nga një dëmtim i gjatë dhe është huazuar për gjashtë muaj me mundësi për tu blerë nga Barcelona.

“Ndihem mirë tani dhe po e gjej ritmin e duhur”, tha braziliani për La Gazzetta dello Sport.

“Disa dhimbje të vogla janë normale pas disa muajve jashtë fushave të blerta. Ideja e Luciano Spallettit për të më përdorur mua si zëvendësim për momentin është shumë inteligjent”.

Pse Rafinha zgjodhi të bashkohet me Interin në dritaren e transferimit të janarit?

“Leo Messi, Luis Suarez dhe të tjerë më thanë se isha duke shkuar në një klub të madh botëror me shumë histori pas saj. Unë kam qenë i magjepsur nga San Siro, por edhe me tifozët dhe është një stadium unik”.

“Derby della Madonnina është një lojë për të cilën bota flet, është në të njëjtin nivel si Barcelona-Real Madrid ose River Plate-Boca Juniors. Kur isha i ri, isha i çmendur pas Rolandos dhe Adrianos”.

Rafinha u pyet nëse do të humbiste me kënaqësi derbin milanez nëse do të siguronte kualifikimin e Interit në Ligën e Kampionëve.

“Jo, dua të fitoj derbin! Vendi i Ligës së Kampionëve do të vijë vetë”, tha Rafinha.

Ai nuk është i huaj në Itali, pasi babai i tij është Mazinho, i cili luajti për Leccen dhe Fiorentinën në fillim të viteve 1990. /Telegrafi/