Davide Santon ka arritur në orët e vona të së dielës në aeroportin e Romës pasi ai së bashku me të riun Nicolo Zaniolo janë pjesë e marrëveshjes për kalimin e Radja Nainggolan te Interi.
Zikaltrit do të paguajnë 24 milionë euro para të thata dhe dy lojtarët e lartpërmendur, që llogaritën dytë së bashku në vlerë 10 milionë euro.
Pasi Nainggolan gjatë të dielës mbërriti në Milano, edhe Santon udhëtoi për në Romë, ku u prit në aeroportin Fiumicino nga drejtori sportiv Monchi, i cili kishte ardhur më herët për të marrë edhe Zaniolo.
Dyshja pritet të kryejnë testet mjekësore gjatë ditës së hënë, ashtu si belgu te zikaltrit.
Njoftimi zyrtar për përfundimin e këtij transferimi nga të dy anët pritet të bëhet gjatë ditëve në vijim.
Santon në sezonin e fundit është paraqitur në vetëm gjashtë ndeshje në të gjitha garat për Interin.
27-vjeçari është prodhim i akademisë së kubit nga Milano, kurse në të kaluarën ishte pjesë edhe e Cesenas dhe Newcastle United/ /Telegrafi/
