Papa Françesku: Vizitën time ia dedikoj edhe një shenjtoreje të madhe, vajzës së vendit tuaj, Nënë Terezës (Video)

Papa Françesku në prag të vizitës së tij në vendin tonë nëpërmes një video ka dhënë një mesazh për qytetarët.

“Nëpërmjet këtij mesazhi të shkurtër, dua të shpreh gëzimin dhe miqësinë që ndjej për popullin tënd dhe kishën që ekziston në vendin tuaj.

Pasi vendi juaj u bë i pavarur, Selia e Shenjtë donte të krijonte marrëdhënie miqësore dhe diplomatike me ju. Sot, më shumë se kurrë, ka nevojë në Evropë dhe në mbarë botën për të zhvilluar një kulturë të takimit paraprakisht, një kulturë vëllazërie dhe unë do të vij ndër ju për ta mbjellë këtë farë. Unë jam i sigurt se vendi juaj është i mirë, se ajo do të marrë këtë farë dhe do të marrë fryte” thuhet në mesazhin e Papës, përcjell Telegrafi Maqedoni.

Papa gjithashtu tha se në të vërtetë, bukuria e veçantë e vendit tuaj është për shkak të kulturave, etnive dhe feve të ndryshme që jetojnë në të. Natyrisht, bashkëjetesa nuk është gjithmonë e lehtë, ne e dimë, por ia vlen të vëmë në atë përpjekje, sepse mozaikë më të bukur janë ato që kanë shumë ngjyra.

“Vizitën time ia dedikoj edhe një shenjtoreje të madhe, vajzës së vendit tuaj, Nënë Terezës, e lindur dhe e rritur në Shkup, që nëpërmjet hirit të Perëndisë u bë një misionare trime e mëshirës së Krishtit në botë, duke i dhënë ngushëllime dhe dinjitet më të varfërve në mesin e të varfërve”, tha Papa.

Papa Françesku më 7 maj do të qëndrojë për vizitë në Republikën e Maqedonisë së Veriut./Telegrafi/