Miliarda njerëz anembanë botës kanë filluar të festojnë ardhjen e vitit 2022, pavarësisht shqetësimeve rreth variantit Omicron.
Sipas medieve të huaja, përcjell Telegrafi, Sheshi i Kuq i Rusisë u mbyll nga ora 17:00 në një përpjekje për të ndaluar përhapjen e Covid-19, ndërsa në Dubai, Burj Khalifa, ndërtesa më e lartë në botë u ndriçua nga fishekzjarre që shënojnë fillimin e vitit 2022.
Disa festa në qytetet e mëdha janë anuluar për shkak të rritjes së infeksioneve, Afrika e Jugut, ku u zbulua për herë të parë lloji mutant, ka hequr një shtetrrethim për të lejuar që festat e fundvitit të vazhdojnë.
Dhe një nga tubimet më të mëdha në botë për natën e Vitit të Ri thuhet se u zhvillua në Korenë e Veriut ku mijëra u mblodhën në sheshin kryesor në Phenian për një shfaqje fishekzjarrësh.
Kina organizoi një numër të shfaqjeve të saj tipike ekstravagante me drita mahnitëse, fishekzjarrë dhe shfaqje piroteknike, megjithëse festimet e saj të zakonshme u pakësuan për shkak të rritjes së rasteve.
Zelanda e Re, vendi i parë i madh që pa Vitin e Ri, filloi festimet pasi lehtësoi rregullat e saj për tubimet publike dhe mbajti një shfaqje dritash në Auckland.
Veç këtyre, edhe qyteti më i madh i Australisë, Sydney, vazhdoi përpara me një shfaqje fishekzjarrësh që ndriçoi portin e qytetit, me gjithë një nga ngarkesat e rasteve me rritje më të shpejtë në botë, përpara se Tokio të bashkohej me festimet. /Telegrafi/
