Ortek në Alpet franceze, raportohet për katër të vdekur – ekziston frika se numri mund të jetë më i madh

Nga një ortek në Alpet franceze kanë gjetur vdekjen katër persona, ka thënë ministri i brendshëm i Francës, duke e quajtur numrin e të vdekurve “të përkohshëm”.

Sipas mediave të huaja, përcjell Telegrafi, orteku ndodhi kur ai erdhi nga akullnaja Armancette në Contamines-Montjoie, në rajonin Haute-Savoie, rreth 30 kilometra në jugperëndim të Chamonix.

Megjithatë, ministri i Brendshëm Gerald Darmanin nuk dha detaje në postimin e tij në Twitter rreth vdekjeve.

Une avalanche s’est produite en milieu de journée au glacier d’Armancette, dans les Alpes. Le bilan provisoire fait état de 4 personnes décédées et plusieurs blessés. Les secours sont toujours à l’œuvre. Merci pour leur action. Pensées pour les victimes et leurs proches.

— Gérald DARMANIN (@GDarmanin) April 9, 2023

Alpet janë një vend kryesor pushimesh gjatë fundjavës së gjatë të Pashkëve të Francës.

🔴Une #avalanche s'est produite ce dimanche sur le glacier d’#Armancette, sur la commune des Contamines-Montjoie (#HauteSavoie).
Le bilan est malheureusement lourd avec 4 morts et plusieurs blessés. https://t.co/Dj0UHuTuWd

— Guillaume Séchet (@Meteovilles) April 9, 2023

Ndërkohë stacioni lokal radiofonik France-Bleu e përshkruajti madhësinë e ortekut si 1000 metra të gjatë dhe me 100 metra gjerësi.

Dy helikopterë u dërguan për të ndihmuar në kërkim, tha stacioni, duke cituar prefekturën lokale në Thonon.

Dhe një reagim ka ardhur edhe nga president Emmanuel Macron i cili ka thënë se “për të gjetur njerëz ende të bllokuar nën borë, shërbimet e urgjencës janë mobilizuar”. /Telegrafi/