OBRM-PDUKM-ja kritikon rebalancin e buxhetit: LSDM dëshmoi se nuk është qeveri reformuese

“Në vend se ta rrisë rrijten e projektuar ekonomike, Zaev të njëjtën po e ulë”. Një ditë pas miratimit të rebalancit, reaguan nga partia opozitare OBRM-PDUKM. Nga kjo parti thonë se nuk është e qartë se për çfarë arsye Zaev dhe partia e tij premtonin rritje të Bruto Prodhimit të Brednshëm prej 5 deri 7% në nivel vjetor, ndërsa tani prognozojnë se rritja do të jetë vetëm 2%.

“Zoran Zaev dhe LSD paralajmëron rritje të investimeve kapitale, por me rebalancin e propozuar, të njëjtat i shkurtuan për 3 miliardë denarë. Këto janë plot 50 milionë euro më pak për investime kapitale nga projeksionet që i kishte qeveria e OBRM-PDUKM-së. E gjithë kjo është pasojë e mospasjes së vizionit por edhe e bllokimit tendenzion të projekteve të filluara nga OBRM-PDUKM, duke nisur nga autostradat dhe ujësjellësat e deri te ndërtimi i qendrës klinike”, tha Aneta Dimovska, OBRM-PDUKM.

Përndryshe, mbrëmë kryeministri Zoran Zaev në preskonferencë njoftoi se qeveria e miratoi rebalancin e buxhetit. Me këtë buxhet, Zaev shtoi se do të mundësohet realizmi i politikave të programit të qeverisë së re./Telegrafi/