“Nuk jam i sigurt nëse do ta shoh para ndeshjes” –Nagelsmann bën një pretendim interesant për shtrëngimin e dorës me Lewandowskin

Barcelona dhe Bayern Munich do të takohen në një ndeshje epike të Ligës së Kampionëve në “Allianz Arena”, të martën me 13 shtator.

Përpara takimit, trajneri i Bayern Munich, Julian Nagelsmann, ka komentuar nëse do të shtrëngojë duart me ish-sulmuesin Robert Lewandowski para fillimit të ndeshjes.

Sulmuesi polak i dha fund lidhjes së tij tetë vjeçare me Bayern Munich për të kaluar te Barcelona në fillim të kësaj vere.

“Nëse e shoh atë përpara [lojës], atëherë sigurisht që do t’i jap dorën. Nuk jam i sigurt nëse do ta shoh paraprakisht, zakonisht nuk e bëj”, ka thënë fillimisht Nagelsmann.

Ndërkohë, vlen të theksohet se marrëdhëniet e Robert Lewandowskit me tifozët e Bayern Munichut janë përkeqësuar pas transferimit të tij te Barcelona.

Nagelsmann shpreson që tifozët bavarez do t’i bëjnë një pritje pozitive ish-sulmuesit të tyre nesër.

🗣️ @J__Nagelsmann on seeing @lewy_official again: I will be happy if our fans give him a good reception. That would be normal, when someone has done so much for the club. He was an important part of the Bayern family. I am looking forward to seeing him again. #FCBFCB pic.twitter.com/41BCDS6Aju

— FC Bayern Munich (@FCBayernEN) September 12, 2022

“Mezi pres që tifozët tanë ta mirëpresin atë. Kur një lojtar ka qenë kaq i fortë për ekipin gjatë viteve, mendoj se është e rëndësishme. Ai ishte një pjesë e rëndësishme e familjes së Bayernit. Mezi pres ta shoh përsëri”, deklaroi trajneri gjerman. /Telegrafi/