Nuk ia doli ta fitonte titullin e tetë botëror në Formula 1 – Hamilton tregon se çfarë planifikon për të ardhmen

Lewis Hamilton nuk arriti që të mbronte titullin e kampionit të botës nga edicioni i kaluar, për më shumë nuk ia doli as të bëhej më i trofeshmi më histori të Formula 1.

Britaniku e humbi garën ndaj Max Verstappen, që ia doli të fitonte titullin e garës më të shpejtë në botë.

Piloti i Red Bullit u nis nga ‘pole-position’, ndërsa ai i Mercedesit nga pozita e dytë, por shpejt mori vendin e parë.

Lexo po ashtu Fjalët e para të Verstappen pasi u shpall kampion bote në Formula 1

Kështu pas 57 gjirove të zhvilluara në pistën e Abu Dhabit, Hamilton e mbajti epërsinë dhe vendin e parë, të cilin e humbi vetëm në gjiron e fundit.

Verstappen arriti të parakalojë në fund dhe të shpallet kampion në këtë edicion me 394.5 pikë, ndërsa Hamilton mbeti i dyti me 385 pikë.

Britaniku ka thënë pas garës se ai bëri gjithçka që ta fitonte garën, mirëpo nuk ia doli.

Lexo po ashtu Verstappen fiton garën e çmendur me Hamilton dhe shpallet kampion bote në Formula 1

“Së pari, urime të mëdha për Max dhe ekipin e tij. Por unë jam shumë krenar për ekipin tim dhe dhamë absolutisht gjithçka”.

“Jam ndjerë mirë në makinë gjatë dy muajve të fundit. Do të shohim se çfarë do të ndodhë vitin e ardhshëm”, ka potencuar Hamilton.

Britaniku aktualisht ka shtatë tituj të kampionit të botës, po aq sa ka edhe legjenda Michael Schumacher, e që nëse do fitonte sot, atëherë do të bëhej piloti më i dekoruar në Formula 1. /Telegrafi/