Nuk dëgjohen kërkesat e tifozëve, ylli i Contes mbetet në stadiumin e Juventusit

Presidenti i Juventusit, Andrea Agnelli, nuk do të heqë yllin e Antonio Contes në Allianz Stadium, pavarësisht kërkesave nga tifozët.

Gazeta Tuttosport zbulon se disa tifozë të Bianconerëve kanë kërkuar të heqin yllin e trajnerit aktual të Interit, por klubi thuhet se nuk do ta bëjë atë.

Conte nuk është pjesë e Juventusit aktual dhe ndoshta nuk do të jetë pjesë e së ardhmes së Zonjës së Vjetër të Agnellit, por e kaluara e lavdishme mbetet.

Lexo po ashtu Tifozët e Juventusit duan që të hiqet ‘ylli’ i Antonio Contes në stadium: Janë mbledhur deri tani mijëra nënshkrime

Pas përplasjes së diskutueshme midis Angellit dhe Contes në Coppa Italia këtë javë, Tuttosport zbulon se tifozët kanë kërkuar që ylli i tij jashtë stadiumit të hiqet.

Por, meritat e ish-kapitenit dhe trajnerit janë më të mëdha se konflikti aktual. Scudetto, trofeu i Ligës së Kampionëve dhe roli si një udhëheqës i ka dhënë Contes një nga 50 yjet që shtrojnë rrugën përreth stadiumit të Juventusit.

Lexo po ashtu Tensione pas ndeshjes Juventus – Inter, presidenti i bardhezinjëve Andrea Agnelli ofendon trajnerin Antonio Conte

Raporti pretendon se tifozët e Juventusit sulmuan yllin e Contes kur ai u bashkua me Interin në vitin 2019 dhe disa kanë vazhduar me peticionin për të hequr këtë yll pas përplasjes së Coppa Italia.

Megjithatë, Presidenti thuhet se nuk e ka konsideruar shkëputjen e emrit të Contes nga trotuari që kujton shumë heronj të historisë së Bianconerëve. /Telegrafi/