Një i vdekur, pamje të reja të tërmetit në Kretë të Greqisë – shihni se çfarë ndodhi në një supermarket

Greqia u godit nga një sërë tërmetesh të hënën në mëngjes, dhe më i fuqishmi ishte 6 gradë të shkallës Rihter, njoftoi Qendra Sizmologjike Euro Mesdhetare – EMSC.

Kjo u pasua nga një sërë tërmetesh më të dobët të hënën në mëngjes, njoftuan mediat greke.

Tërmeti i parë u regjistrua në 8.17 sipas kohës së Evropës Qendrore dhe 9.17 sipas kohës greke.

Dëshmitarë nga Heraklion thanë se tërmeti ishte jashtëzakonisht i fortë dhe zgjati një kohë të gjatë, përcjell Telegrafi.

https://www.youtube.com/watch?v=PuliGsrZbjw&t=33s

Ndërkohë, banorët në panik postuan fotografi në rrjetet sociale, si dhe video të marra gjatë tërmetit.

Në njërën prej tyre, ndërsa klientët ishin në supermarketin grek, filloi një lëkundje e fortë e tokës dhe produktet filluan të binin nga raftet.

Kujtojmë, se përveç dëmeve materiale, të paktën një person humbi jetën në ishullin grek të Kretës, si pasojë e tërmeteve dhe pretendohet se ky është një njeri që u vra në një kishë në Arkalohori, kur kupola ra mbi të.

Ekipet e shpëtimit mbërritën menjëherë në vendngjarje, por nuk pati shpëtim për njeriun fatkeq. Ata nxorën një person tjetër nga rrënojat dhe ai u dërgua me urgjencë në spital. /Telegrafi/

https://www.youtube.com/watch?v=5_azz2aDaCs