Një i vdekur nga stuhia e fuqishme që goditi Slloveninë, e cila më pas vazhdoi në Kroaci, Bosnjë e Serbi

Një stuhi, e cila goditi Slloveninë këtë pasdite para se vazhdonte për në Kroaci, Bosnjë dhe Serbi i ka marrë jetën një personi në Bled, njoftoi policia sllovene, siç raporton agjencia STA.

Sipas mediave të huaja, përcjell Telegrafi, personi në fjalë ka humbur jetën si pasojë e rënies së një peme, ndërsa një tjetër ka mbetur i plagosur.

Lexo po ashtu Përveç Kroacisë e Serbisë, stuhia e fuqishme nuk kursen as pjesë të Bosnjës – raportohet për një të vdekur

Ndërkohë dy persona janë lënduar nga një goditje rrufeje në veri të Sllovenisë.

Lexo po ashtu Numri i të vdekurve shkon në tre, dhjetëra të lënduar – të dhënat e fundit nga Zagrebi që u përfshi nga një stuhi e fuqishme

Dëme të mëdha materiale janë regjistruar në të gjithë vendin, raporton agjencia e lajmeve STA.

https://twitter.com/PathoPhyto/status/1681704134120964108?s=20

Atje, përveç stuhisë, kishte edhe breshër në madhësinë e një topi tenisi dhe mijëra njerëz mbetën pa energji, megjithëse raportet nga kompania e energjisë elektrike tregojnë se ndërprerjet e energjisë elektrike ishin kryesisht të përkohshme.

Lexo po ashtu Pas Zagrebit, “terrohet” Beogradi – një stuhi e fuqishme godet edhe kryeqytetin e Serbisë

Pas kësaj, zjarrfikësit nga rreth 300 departamente zjarrfikëse larguan pemët e rrëzuara, shtyllat elektrike dhe telekomunikuese, intervenuan në çatitë e ekspozuara, larguan ujin nga ndërtesat dhe rrugët e përmbytura dhe morën pjesë në evakuimin e qytetarëve nga zonat e kërcënuara.

Kjo thuhet të jetë stuhia e dytë e fortë që goditi Slloveninë në më pak se 24 orë. /Telegrafi/