Një tjetër lojtar i Barcelonës i bashkohet Messit në Amerikë

Kapiteni i Barcelonës, Sergi Roberto, mund të bashkohet me ish-shokët e skuadrës Lionel Messi, Sergio Busquets dhe Jordi Alba në MLS sezonin e ardhshëm.

Ai ka të ngjarë t’i japë fund marrëdhënies së tij 17-vjeçare me gjigantët katalanas në verën e vitit 2024 pas skadimit të kontratës së tij me klubin.

Roberto është duke u lidhur me një lëvizje në Shtetet e Bashkuara, ku ai ka një shans për të ndjekur gjurmët e ish-bashkëlojtarëve të Barcelonës, Lionel Messi, Sergio Busquets dhe Jordi Alba.

Reprezentuesi spanjoll, i cili do të mbushë 32 vjeç në shkurt, ka pasur minuta të kufizuara nën drejtimin e Xavi këtë sezon. Ai është paraqitur në gjashtë ndeshje në të gjitha garat deri më tani dhe është paraqitur në formacionin startues të klubit vetëm dy herë.

Lexo po ashtu Katër lojtarët e Barcelonës që kanë hyrë në muajt e fundit të kontratës

Roberto flet rrjedhshëm gjuhën angleze, gjë që do ta ndihmonte të përshtatej më shpejtë në Shtetet e Bashkuara të Amerikës. Vlen të theksohet se ai është produkt i akademisë së Barcelonës dhe ka kaluar në ekipin e parë të blaugranasve përmes grupmoshave.

31-vjeçari do të shpresojë të jetë në aksion për klubin e tij në La Liga më 22 tetor, kur ata do të përballen me Athletic Bilbaon./Telegrafi/