Një shenjë para se të flini mund të zbulojë problemet e zemrës!

Nëse e ndieni këtë kur shtriheni, shkoni te mjeku

Një nga shkaqet kryesore të vdekjeve që zë një vend të lartë është sëmundja koronare e zemrës ose sëmundja ishemike. Ndodh kur qarkullimi i gjakut në zemër është i bllokuar për shkak të depozitave yndyrore të akumuluara në arteriet koronare.

Simptomat më të zakonshme të sëmundjes koronare të zemrës janë dhimbje gjoksi, gulçim, dhimbje në të gjithë trupin dhe një ndjenjë dobësie.

Sipas Michael Miller, sëmundja mund të shfaqet në një mënyrë shumë më delikate, para gjumit, transmeton Telegrafi.

“Kur mendja juaj ju shkon gjithkah, ju mund të dëgjoni frymëmarrjen tuaj ose tingujt e stomakut. Por sëmundja koronare mund të zbulohet nga tingulli i zemrës suaj”, shpjegoi doktori, i cili thekson se është e vështirë të dëgjosh rrahjet e zemrës tënde, përveç nëse sapo ke vrapuar lart shkallëve ose duke bërë ndonjë aktivitet tjetër intensiv.

Lexo po ashtu Pesë shenja delikate që paralajmërojnë problemet e zemrës

“Në vend që të përshtatni pozicionin tuaj të gjumit, do të ishte mirë ta diskutoni këtë me mjekun tuaj”, shtoi ai.

Rrahjet e zemrës mund të jenë gjithashtu një shenjë e presionit të ulët të gjakut, sheqerit të ulët në gjak, anemisë, dehidrimit ose efekteve të medikamenteve që po merrni. Prandaj, nëse vëreni disa nga sinjalet që ju dërgon trupi juaj, mos i injoroni, por fillimisht bisedoni me mjekun tuaj. /Telegrafi/