Drejtori i të ashtuquajturës Zyre serbe për Kosovë, Marko Gjuriq dhe përfaqësuesi për Ballkanin i organizatës joqeveritare “Misioni humanitar rus”, Branimir Neshiq, nënshkruan sot në Beograd një Memorandum Bashkëpunimi për realizimin e programeve humanitare dhe bamirëse.
Sipas këtij memorandumi, “Misioni humanitar rus” në bashkëpunim me Zyrën e Gjuriqit do të ndihmojnë popullin serb në Kosovë në fushën e arsimit, shëndetësisë dhe asistencës sociale, raporton Tanjug, transmeton Klan Kosova.
