Një mural kushtuar Mbretëreshës Elizabeth II apo trajnerit legjendar të futbollit Alex Ferguson

Një mural i pikturuar për nder të Elizabeth II ka ndarë opinionet në internet, me disa që ankohen për mungesën e dukshme të ngjashmërisë me mbretëreshën e ndjerë.

Gjithashtu, në rrjetet sociale shumë pohuan se ai i ngjante më shumë trajnerit legjendar të futbollit Alex Ferguson.

Që nga vdekja e Mbretëreshës në moshën 96-vjeçare javën e kaluar, njerëzit në të gjithë Mbretërinë e Bashkuar dhe në mbarë botën kanë bërë homazhe në mënyra të ndryshme.

Në Londrën Perëndimore, artisti Jignesh Patel dhe kushëriri i tij Yash Patel pikturuan një mural të madh të monarkut. Dyshja kaloi dy ditë për të përfunduar veprën e artit, e cila u pikturua në një shtëpi dykatëshe në Kingsley Road.

https://twitter.com/emeckejr/status/1570044043815710720

“Ne e duam mbretëreshën, kur ajo vdiq, menduam se duhej të bënim nderimet tona”, tha Jignesh për BBC.

Ai aktualisht mban pesë rekorde botërore, më i fundit prej të cilëve u arrit në vitin 2021 për pikturën më të gjatë me mbështjellës flluskë.

Megjithatë, murali u kritikua brutalisht në mediat sociale dhe disa njerëz theksuan se i ngjante më shumë legjendarit Alex Ferguson.

Një përdorues u tall me muralin duke sugjeruar se fillimisht ishte një portret i tij që shkoi në një drejtim tjetër krijues në minutën e fundit.

” Shoku… po e pikturon akoma atë murale të Sir Alex Ferguson,” “Po… Unë jam në gjysmë të rrugës. Pse?” “Ka pasur një ndryshim të planit. Shihni se çfarë mund të bëni,” shkruhej në Twitter.

Një tjetër kishte të njëjtën ide, duke komentuar, “Nderim i madh për Alex Ferguson”. /Telegrafi/