Një marrëveshje armëpushimi përgjatë kufirit Izrael-Liban në prag, a do të pajtohet Hezbollahu?

Është përsëritur shumë herë kjo situatë, megjithëse me anën tjetër të konfliktit – Gazën.

Zyrtarët amerikanë dhe vetë presidenti Joe Biden shpesh e kanë përsëritur se armëpushimet dhe pauzat janë afër.

Por, kjo me siguri mund të konsiderohet situatë tjetër.

Nuk ka asnjë peng të përfshirë në ‘konfliktin’ Izrael-Hezbollah, shkruan skynews, përcjell Telegrafi.

Siç raportohet, Izraeli mund të ndjejë se ka pasur një sukses të madh në degradimin e Hezbollahut – me vrasjet dhe shpërthimet – saqë është e zgjuar ushtarakisht që ai të ndalet tani.

A do të mendojë edhe Hezbollahu të njëjtën gjë?

Apo Irani?

Ndoshta nuk do të kenë zgjidhje. Ata kanë pasur sulme të shumta gjatë dy javëve të fundit – me kosto të konsiderueshme për civilët.

Bëhet e ditur se nëse do të ketë një armëpushim përgjatë kufirit Liban-Izrael në orët e ardhshme siç sugjerojnë amerikanët, atëherë sigurisht që ai ofron hapësirë për t’iu rikthyer Gazës.

Gjithashtu, ai do t’i jepte Kombeve të Bashkuara një ndjenjë se diplomacia funksionoi.

Ndryshe, kryeministri izraelit Benjamin Netanyahu, do të mbajë një fjalim në OKB, ku do të shihen reagimet e tij ndaj thirrjeve për armëpushim dhe se si ai e përkufizon konfliktin. /Telegrafi/