Deputetë të pozitës dhe opozitës ndonëse me qëndrime të kundërta, i bashkojnë dasmat dhe ahengjet.
Kështu një dasmë në Ferizaj ka bërë bashkë kryeministrin në dorëheqje Ramush Haradinaj, deputetin e LVV-së, Rexhep Selimin, dhe Milaim Zekën nga Partia Euroatlantike e Kosovës.
Këtë e ka bërë të ditur Milaim Zeka i cili ka postuar disa fotografi në llogarinë e tij në Facebook.
Zeka ka shkruar se edhe kryeministri në dorëheqje relaksohet me ta.
"Në darsëm te baci Ekrem, në Ferizaj. Të gjithë jemi ba bashkë, pozitë e opozitë. Edhe kryeministri po relaksohet bashke me ne.
Ai madje në disa fotografi të postuara shihet teksa bisedon me kryeministrin në dorëheqje Ramush Haradinaj, duke shkruar në mbishkrim se po i bënë ftesë Haradinaj për koalicion.
"Kryeministri po më bënë ftesë për koalicion. Ma mirë po i them me ardhë ai ne PEK! Nuk di për te tjerët, po unë dhe familja ime jemi gëzuar qe u kthy nga Haga", ka shkruar Zeka./Telegrafi/
