Nis faza e re e operacionit të shpëtimit të 12 futbollistëve në Tajlandë

Më 9 korrik ka nisur faza e dytë e operacionit të shpëtimit në një shpellë në Tajlandë.

Zhytësit ndërkombëtarë kanë shpëtuar më 8 korrik katër nga 12 futbollistëve të cilët së bashku me trajnerin e tyre të futbollit janë bllokuar në një shpellë në veri të Tajlandës, për më shumë se dy javë.

Guvernatori i provincës, Narongsak Osotthanakorn, ka thënë se tre nga personat e shpëtuar janë dërguar në spital me helikopter derisa i katërti me ambulancë.

Djemtë e moshës nga 11 deri në 16 vjeçare dhe trajneri i tyre ishin duke shikuar shpellën më 23 qershor kur janë bllokuar nga një shi i rrëmbyeshëm.

Lexo po ashtu Shpëtohen 5 nga 12 futbollistëve të bllokuar në Tajlandë

Ende nuk është bërë publik ndonjë informacion rreth identitetit të personave të shpëtuar, mirëpo sipas disa raportimeve, trajneri mund të ketë qenë në mesin e personave të shpëtuar.

Lexo po ashtu Komplikohet aksioni për nxjerrjen e fëmijëve nga shpella

Ministri i Brendshëm i Tajlandës, Anupong Paojinda, ka thënë që personat e shpëtuar janë të fortë dhe të sigurt, mirëpo duhet të kryejnë kontrolle mjekësore.

Paojinda ka thënë se zhytësit e njëjtë do të marrin pjesë edhe në operacionin e radhës, pasi ata janë më të familjarizuar me kushtet e shpellës. /Telegrafi/