I ngjyrosi shkallët që të duken si librat e preferuar, tani kjo gjë është fantazia e çdo adhuruesi të librave

Duke e lexuar këtë artikull mund t’ju kujtohet poema për fëmijë e A.A. Milne: “Gjysmës së rrugës duke zbritur në shkallë, është njëra ku ulem. Nuk ka asnjë shkallë tjetër që e pëlqejë më shumë se kjo.”

Epo, nuk ka ndonjë shkallë tjetër si këto që i ka ngjyrosur Pippa Branham nga Liverpoli, transmeton Telegrafi.

Branham këtë e kishte bërë pasi që ishte shpërngulur në shtëpinë e saj të parë të përhershme me burrin dhe vajzën e saj, prandaj kishte vendosur të bëjë diçka ndryshe dhe kreative.

Në vend se të shpenzonte para për të shtruar qilima në shkallët e drurit, ajo ishte inspiruar nga një fotografi që e kishte parë në Pinterest, dhe kishte vendosur të bëj një gjë të mahnitshme.

Pas disa hulumtimeve online, ajo kishte përzier pak rërë të fëmijëve me ngjyrën që shkallët të mos bëheshin të rrëshqitshme.

Pasi i kishte blerë të gjitha mjetet e punës, krejt çfarë i kishte mbetur kishte qenë zgjedhja e 13 librave të preferuar për t’i dekoruar shkallët e saj magjike.

Në maje të listës gjendet libri Faerie Tale nga Raymond e. Feist, e më pas Lord of the Rings i J.R.R Toklien, The Hobbit, The Talisman etj.

Gjysmë së rrugës për poshtë shkallëve do të volumin e parë të Game of Thrones shkruar nga George R.R. Martin, Through the Lookin Glass nga Lewis Caroll dhe melodrama drithëruese The Magic Cottage nga James Herbert.

I gjithë projekti ka kushtuar 180 funta dhe ka marrë rreth 35 orë për t’u kompletuar përgjatë një periudhe gjashtë javore. /Telegrafi/