Nga dantella në të kuqe: Të brendshme seksi për natën më të çmendur të vitit

Shumë stilistë propozojnë koleksione ekskluzive dhe ato që nxjerrin shkëlqimin e mbrëmjes për momente të veçanta siç është Viti i Ri

Këtu janë disa ide që do t’ju frymëzojnë.

Autorët e koleksioneve të modës kanë një tendencë të veçantë për t’i pasuruar dhe dekoruar të brendshmet për raste të veçanta me detaje dhe elementë të veçantë dhe kur bëhet fjalë për natën e ndërrimit të viteve, zakonisht janë tonalitetet e kuqe, dantella dhe detaje të ndryshme diamantesh.

Nga detajet bie në sy dantella, e cila dikur sundonte fustanet, por këto 50 e ca vitet e fundit ka hyrë në botën e të brendshmeve. Marka të shumta sjellin idetë e tyre, dhe në fund të vitit, një nga ato që sundon këtë fushë është padyshim – e kuqja.

E zeza është gjithashtu tërheqëse, por shpesh janë krijime dhe detaje transparente. Bota e fustaneve të mbrëmjes ka ndikuar në kreativitetin e formës dhe dizajnit, kryesisht në fushën e dekorimit, sot është një trup që e veshim edhe me një kostum tërheqës, transmeton Telegrafi.

Sa i përket frymëzimit, Victoria’s Secret është një shtëpi mode që ka një doktoraturë në të brendshme tërheqëse. Prej disa vitesh ata kishin sfilata të ndjekura në të gjithë botën, si program show, por edhe lider në trendet e sezonit të ardhshëm. Të brendshmet e denja për skenë, si dhe detaje të tilla si puplat apo stolitë e mëdha, janë pjesë e koleksioneve të tyre madhështore. Edhe pse ato shfaqje nuk janë më, frymëzimi është aty, ai mbetet si një kujtesë e fuqishme e liderit në botën e të brendshmeve.

Ndër detajet e këtyre ditëve bien në sy të brendshmet që mbulojnë trupin.

Sutjenat vijnë në një variant për pantallona dhe një xhaketë, si dhe ka edhe sutjena ideale për fustanet me prerje të ulët.

Çorapet në këmbë janë perfekte për fustanet e mbrëmjes, ndërsa shumë stilistë i ofrojnë ato në koleksione të ndryshme të të brendshmeve luksoze.

Çfarëdo detaje që propozojnë, autorët e koleksioneve ndjekin stilet femërore dhe theksojnë siluetat trupore. /Telegrafi/