Nga Cillessen te Donnarumma e Areola, portierët e mundshëm që do ta zëvendësojnë Alissonin te Roma

Roma ka arritur ta shesë për një shifër rekord portierin brazilian Alisson Becker.

Braziliani iu bashkua Liverpoolit për një shifër rreth 75 milionë euro duke u bërë portieri më i shtrenjtë në histori të futbollit.

Tani Roma ka mbetur pa portier të parë dhe është hedhur në sulm për ta gjetur zëvendësimin e brazilianit.

Objektivi kryesor i Romës sipas medieve italiane mbetet portieri francez Alphonse Areola.

Por Giallorosët mund të befasojnë duke transferuar portierin e Milanit Giggio Donnarumma.

Milan ka nevojë për para dhe Roma po mendon të dërgojë një ofertë rreth 35 milionë euro për reprezentuesin italian.

Objektiv i Romës mbetet edhe portieri suedez Robin Olsen që pati paraqitje fantastike në Kampionatin Botëror.

Tjetër alternativë është edhe holandezi i Barcelonës, Jasper Cillessen që ka shprehur hapur dëshirën për tu larguar nga Camp Nou.

Lexo po ashtu Të gjitha lajmet për skuadrën e Romës

Ndërkohë së fundmi Roma është futur në garë edhe për anëtarin e PSV Eindhoven, Jeroen Zoet.

Giallorosët çështjen e portierit pritet ta mbyllin brenda 72 orëve të ardhshme. /Telegrafi/