Neymar: Kurrë nuk e kam menduar eliminimin, mendoj se do të arrijmë në finale

Pavarësisht se ishin vetëm disa minuta larg nga eliminimi i tyre nga Atalanta në Ligën e Kampionëve, Neymar pohon se kurrë nuk mendoi për këtë.

Atalanta ishte në epërsi 1-0 deri me një gol të Mario Pasalic deri në minutën e 90-të, por Marquinhos dhe Eric Maxim Choupo-Moting shënuan dy herë në minutat shtesë për të siguruar fitoren 2-1 të PSG-së.

Me këtë fitore, klubi francez ka arritur në gjysmëfinale të Ligës së Kampionëve, ndërsa ylli i skuadrës Neymar ka pohuar se kurrë nuk e ka menduar eliminimin.

Lexo po ashtu PSG fiton me rikthim ndeshjen e çmendur ndaj Atalantas dhe kualifikohet në gjysmëfinale të Ligës së Kampionëve

“Asnjëherë nuk kam menduar për eliminimin”, ka thënë fillimisht Neymar për RMC Sport.

“Asgjë nuk do të më ndalojë të mendoj se do të arrijmë në final”.

Lexo po ashtu Atalanta 1-2 PSG, nota e Gjimshitit dhe të tjerëve në çerekfinalen e Ligës së Kampionëve

“Ishte e vështirë, por ne jemi një ekip i shkëlqyeshëm dhe një familje e vërtetë. Ishte e pamundur të mendosh që mund të eliminoheshim”, përfundoi braziliani.

Ndryshe, Paris Saint-Germain kalon në gjysmëfinale të Ligës së Kampionëve për herë të parë në mbi 20 vjet dhe do të takohet me fituesin e takimit mes RB Leipzig dhe Atletico Madrid. /Telegrafi/