Neville zbulon ‘nënshkrimin e ëndrrave’ për Man Utd dhe identifikon tri pozitat që Solskjaer duhet të forcojë ekipin

Gary Neville e konsideron mbrojtësin e Real Madridit, Raphael Varane, si nënshkrimin e tij të ëndrrave për Manchester Unitedin në afatin kalimtar të transferimeve të verës dhe këshillon trajnerin Ole Gunnar Solskjaer të forcojë tre zona të skuadrës së tij.

Djajtë e Kuq pritet të jenë aktivë gjatë verës, dhe të bëjnë përforcime të mëdha për të bërë skuadrën edhe më konkurruese në Angli dhe Evropë.

Drejtuesit e klubit thuhet se janë të interesuar për një tjetër qendërmbrojtës të dëshmuar për të shtuar në ekipin e Old Trafford.

Lexo po ashtu Neville zgjedh formacionin më të mirë në histori të Unitedit pa lojtarë britanikë, befason me disa zgjedhje

Neville mendon se përforcimi në atë pjesë të fushës duhet të kenë përparësi kur të paraqitet mundësia tjetër për të shpenzuar.

Ish-mbrojtësi i Unitedit ka kryer një pyetje dhe përgjigje në Twitter dhe kur u pyet për të zgjedhur një lojtar që ai do të nënshkruante nga një rival, ai tha: “Varane”.

CB / Striker / RW https://t.co/QJ0NqpHw19

— Gary Neville (@GNev2) April 9, 2021

Legjenda e Djajve të Kuq gjithashtu u pyet për ato që ai i konsideron si fushat më shqetësuese për Solskjaer në afatin tjetër kalimtar.

Anglezi mendon se një skuadër e etur për tu rikthyer në gjurmët e trofeve duhet të përforcojë radhët e tyre në pjesën e qendrës së mbrojtjes, qendrës së sulmit dhe në krahun e djathtë të sulmit.

Emra tjerë që janë përfolur për t’u transferuar te Unitedi gjatë verës janë edhe Erling Haaland, Ousmane Dembele dhe Jadon Sancho. /Telegrafi/