Neville shfrynë ndaj drejtuesve të Unitedit: E tmerrshme, duhen urgjentisht edhe tri transferime të mëdha

Gary Neville ka shprehur zhgënjimin e tij te Manchester United për mungesën e transferimeve dhe u tha atyre që të nënshkruajnë urgjentisht tre lojtarë.

Unitedi ka qenë ndër shpenzuesit më të vogël në Ligën Premier këtë verë, me vetëm Donny van de Beek të transferuar për 35 milionë funte nga Ajaxi.

Ylli i Borussia Dortmundit, Jadon Sancho është prej kohësh objektivi kryesor i transferimeve të Djajve të Kuq, por ata ende nuk kanë paraqitur një ofertë zyrtare për anësorin, i cili vlerësohet 120 milionë euro nga gjermanët.

Lexo po ashtu Dembele sërish refuzon kalimin te Manchester United

Të tjerë si Harry Kane, Alex Telles, Jack Grealish, Ousmane Dembele, Edinson Cavani dhe Luka Jovic gjithashtu kanë qenë të lidhur me një lëvizje te Unitedi, por mbetet të shihet nëse Ole Gunnar Solskjaer do të jetë në gjendje të shtojë më shumë lojtarë të rinj para mbylljes së afatit të 5 tetorit.

Ndërsa Chelsea , Liverpool , Arsenal, Manchester City dhe Tottenham janë forcuar ndjeshëm, Unitedi deri më tani nuk ka qenë në gjendje të finalizojë marrëveshjet mes pasigurisë financiare të shkaktuar nga kriza e coronavirusit, duke i lënë tifozët të irrituar dhe të zhgënjyer.

It’s appalling that in this market which is probably the easiest in PL history to get transfers done that United haven’t done more yet ! They must get Ole a CB , LB and Forward pre deadline! The others are managing to get things over the line why not United !

— Gary Neville (@GNev2) September 30, 2020

Djajtë e Kuq kanë filluar fushatën e tyre të fundit në Ligën Premier me një humbje të befasishme ndaj Crystal Palace dhe një fitore jo bindëse ndaj Brighton, me presionin që fillon të rritet mbi Solskjaer ndërsa ai bën përpjekje për t’i dhënë fund pritjes tre-vjeçare të klubit pa trofe.

Neville nuk mund ta kuptojë pse ish-klubi i tij ka qenë kaq i qetë në treg në krahasim me rivalët e tyre kryesorë dhe ka theksuar tre pozicionet kryesore që duhet të forcohen në mënyrë që të shmanget një sezon tjetër mediokër.

Lexo po ashtu Ferdinand këshillon Unitedin që të bëjë edhe katër transferime tjera, përmend edhe emra

“Është e tmerrshme që në këtë treg që është ndoshta më i lehti në historinë e LP për të kryer transferime që United nuk ka bërë më shumë!”.

“Ata duhet t’i marrin Oles një qendërmbrojtës, një mbrojtës të majtë dhe një sulmues para mbylljes së afatit. Të tjerët po arrijnë t’i marrin lojtarët, pse jo United!”, ka shkruar Scholes në profilin e tij në Twitter. /Telegrafi/