Nesër seanca gjyqësore për Gruevski dhe Zaev, njëri akuzohet për dhunë, tjetri për ryshfet

Në Gjykatën Penale nesër në seancë gjyqësore duhet të paraqiten kryeministri Zoran Zaev, i cili është i akuzuar për marrje ryshfet deh lideri i OBRM-PDUKM-së, Nikolla Gruevski, i akuzuar për nxitje të dhunës.

Seanca kryesore për dhunën në komunën Qendër assesi të fillojë. Gruevski së bashku me 13 persona tjerë, ndër të cilët edhe ish ministri për trasnport dhe lidhje, Mile Janakieski janë të akuzuar për nxitje të dhunës në komunën Qendër në vitin 2013. Gjykatësja Tatjana Mihajllova disa herë i shtyn seancat gjyqësore për shkak të mungesës së të akuzuarve, ndërsa shtyrje kishte edhe për shkak se lënda dhe të dhënat ishin në Gjykatën e Apelit për dënimet e prokuroreve të PSP-së, Katica Janeva dhe Fatime Fetai. Në seancën e kaluar nuk ishin të pranishëm dy të akuzuar.

Në lëndën “Ryshfet”, gjykatësja Deana Gruevska Ilievska e refuzoi propozimin e avokatëve të kryeministrit Zoran Zaev, incizimet e PI masave të cilat u shfaën në internet të jenë dëshmi në procesin gjyqësor. Ekipi i avokatëve dërgoi ankesë në Gjykatën e Apelit, ndërsa kjo gjykatë kërkoi opinion nga Prokuroria e Lartë Publike, por siç konfirmoi gjykatësi Safet Kadrii, mendimin e kanë pranuar por ende nuk është vendosur për ankesën e Zaevit./Telegrafi/