“Nëse Real Madridi dëshiron që unë të qëndroj, mund të negociojmë” – Ancelotti hap derën për rinovimin e kontratës

Carlo Ancelotti zbuloi se ai është i gatshëm të negociojë një marrëveshje të re me Real Madridin nëse klubi del me një ofertë.

Trajneri veteran, kontrata e të cilit me Real Madrid skadon më 30 qershor 2024, ka zbuluar se është gati të negociojë një kontratë të re me Los Blancos nëse klubi ka një të tillë.

“Përgjigjem lehtësisht: kontrata ime me Real Madridin skadon më 30 qershor 2024, ndaj kjo është periudha kohore që duhet të diskutojmë për rinovimin. Nëse Real Madridi dëshiron të negociojë, unë nuk do të kem asnjë problem”.

“Unë jam ende trajner dhe kjo është gjëja më e rëndësishme. Ka kohë për të menduar, ajo që dua është të fitojmë këto dy ndeshje dhe të kalojmë një Krishtlindje të qetë”, ka thënë trajneri i madh italian.

Ancelotti fillimisht pritej të largohej nga gjigantët spanjollë në fund të kontratës së tij.

Ai pritej të bashkohej me Brazilin si trajner i tyre kryesor me presidentin e Federatës së Futbollit të Brazilit, Ednaldo Rodrigues, që e ka konfirmuar në fillim të këtij viti se italiani do të marrë drejtimin e Selecao para Copa America 2024.

Lexo po ashtu Carlo Ancelotti zbulon se kush janë dy ekzekutuesit e penalltive te Real Madridi

Disa trajnerë si Xabi Alonso, Raul dhe Roberto De Zerbi janë lidhur për të zëvendësuar Ancelottin në fund të sezonit. /Telegrafi/