Nëse ju hahet shkumës dhe ushqim i papërpunuar gjatë shtatzënisë, kontrolloni menjëherë gjakun tuaj!

Bëhet fjalë për një gjendje të rëndë që lehtë parandalohet

Shtatzënia vjen me simptoma të ndryshme dhe konsiderohet se kjo periudhë e jetës është kur trupi ‘shfrytëzon më shumë hekur’.

Ndër arsyet që kontribuojnë në zhvillimin e anemisë në shtatzëni janë: intervalet e shkurtra ndërmjet lindjeve, shtatzënitë e shumëfishta, ushqimi i pabalancuar, kushtet e pafavorshme mjedisore…

Periudhat më të rrezikshme për aneminë në shtatzëni janë tremujori i dytë dhe i tretë. Fetusi rritet, formohet placenta, rritet eritropoeza (formimi i rruazave të kuqe të gjakut) dhe trupi nuk mund të përballojë ngarkesën e shtuar të hekurit, transmeton Telegrafi.

Tek gratë me anemi, shtatzënia dhe lindja janë, si rregull, më të vështira: ka rrezik më të madh për abort, preeklampsi dhe anomali të lindjes, humbje gjaku gjatë lindjes… Pasojat e anemisë gjatë shtatzënisë prekin edhe fëmijën më vonë: do të jetë më e ndjeshme ndaj sëmundjeve infektive, veçanërisht sëmundjeve të rrugëve të sipërme të frymëmarrjes. Dermatiti alergjik, sëmundjet e sistemit tretës dhe anemia janë më të shpeshta te fëmijët e tillë.

Simptomat e anemisë në shtatzëni

Nëse trupi nuk ka mjaftueshëm hekur, bëhet fjalë për sindromë sideropenike, e cila çon në uljen e aktivitetit të shumë enzimave ose furnizim të pamjaftueshëm të indeve me oksigjen – sindromi anemik. Të dy opsionet kanë manifestimet e tyre.

Sindroma sideropenike karakterizohet nga:

▪ Thatësi dhe qërim i lëkurës, i vërejtur shpesh në cepat e buzëve.
▪ Ndryshime në thonjtë (brishtësia, butësia, vija tërthore, konkaviteti).
▪ Probleme me flokët (majat e ndara, alopecia, thinja e hershme e flokëve).
▪ Hipotension (dobësi muskulore dhe lodhje).
▪ Ndjenja e pazakontë e nuhatjes.
▪ Shije të çuditshme (dëshira për të shijuar shkumësin, baltën, qymyrin, rërën, ushqimin e papërpunuar…).
▪ Simptomat e sklerës blu (sklera është membrana e jashtme e dendur e indit lidhës të syrit).
▪ Rreziku i sëmundjeve infektive.
▪ Vështirësi në gëlltitjen e ushqimit, veçanërisht ushqimit të thatë.

Sindroma e anemisë shkakton simptomat e mëposhtme:

▪ Dobësi, përgjumje, dhimbje koke, marramendje.
▪ Tolerancë e dobët ndaj ushtrimeve.
▪ Humbje oreksi.
▪ Lëkurë e zbehtë.
▪ Dridhje para syve, zhurmë në veshë.
▪ Takikardi, zhurmë sistolike.
▪ Dhimbje koke.

Çfarë duhet të hani për të shmangur aneminë?

▪ Mish viçi
▪ Mish deleje
▪ Mëlçi
▪ Peshk
▪ Djathë dhie
▪ Mish pule
▪ Drithëra
▪ Perime
▪ Fruta

Gjithashtu, dieta e grave shtatzëna duhet të përmbajë një sasi të mjaftueshme të proteinave, yndyrave, karbohidrateve, vitaminave, mikro dhe makro elementëve. Ndonjëherë është e nevojshme edhe marrja e barnave shtesë për të zëvendësuar hekurin, por mjeku juaj do të vendosë për këtë. /Telegrafi/