(E plotësuar) Trembëdhjetë persona u vranë dhe shumë të tjerë u plagosën pas të shtënave në një shkollë në qytetin e Izhevsk në rajonin Urale të hënën, kanë thënë autoritetet në Rusi, shkruajnë mediat e huaja, përcjell Telegrafi.

Sipas tyre, shtatë nga viktimat ishin nxënës të shkollës nr.88 në qytet.

Personi i armatosur u vetëvra pas sulmit dhe identiteti i tij aktualisht po përcaktohet. /Telegrafi/

Nëntë të vdekur nga sulmi me armë në një shkollë në Rusi – pamjet tregojnë tmerrin që përjetuan nxënësit dhe stafi

Numri i të vdekurve nga të shtënat në një shkollë në Rusi ka arritur në nëntë – sipas raportimeve të fundit nga mediat e huaja.

Bëhet fjalë për një ngjarje kur një i armatosur thuhet se është futur në një shkollë në Rusinë qendrore dhe ka filluar të shtie me armë, duke lënë gjithashtu disa të tjerë të plagosur, përcjell Telegrafi.

Trupi i sulmuesit, i cili me sa duket u vetëvra, u zbulua nga oficerët, tha policia.

Ndërkohë janë publikuar disa pamje që tregojnë tmerrin që përjetuan nxënësit dhe stafi i shkollës.

Ndryshe, më herët ishte raportuar se sulmuesi i paidentifikuar hyri në shkollën në Izhevsk, vrau një roje dhe disa nga fëmijët përpara se të qëllonte veten, kanë thënë më herët zyrtarët.

“Ka viktima në mesin e fëmijëve, ka edhe të plagosur”, citohet të ketë thënë guvernatori Alexander Brechalov.

https://twitter.com/firamnews/status/1574320681940144130?s=20&t=gfGmNOSwFLmo1OHZw3lJpA

Shkolla, e cila mëson fëmijët nga klasa e parë dhe e 11-të, është evakuuar dhe mbyllur nga policia.

Izhevsk është një qytet me madhësi mesatare prej 640,000 banorësh, i vendosur në perëndim të maleve Urale, rreth 1 mijë kilometra në lindje të Moskës. /Telegrafi/

Gjashtë të vdekur dhe disa të plagosur pasi një person i armatosur hapi zjarr në një shkollë në Rusi

Një person i armatosur ka vrarë gjashtë persona dhe ka plagosur 20 të tjerë nga të shtënat në një shkollë në Rusinë qendrore.

Sipas mediave të huaja, përcjell Telegrafi, sulmuesi i paidentifikuar hyri në shkollën në Izhevsk, vrau një roje dhe disa nga fëmijët përpara se të qëllonte veten, thanë zyrtarët.

“Ka viktima në mesin e fëmijëve, ka edhe të plagosur”, citohet të ketë thënë guvernatori Alexander Brechalov.

https://twitter.com/houseofNews0/status/1574318920076500994?s=20&t=Vy4DiTnnEd3_MzJMXkjtJg

Shkolla, e cila mëson fëmijët nga klasa e parë dhe e 11-të, është evakuuar dhe mbyllur nga policia.

Izhevsk është një qytet me madhësi mesatare prej 640,000 banorësh, i vendosur në perëndim të maleve Urale, rreth 1 mijë kilometra në lindje të Moskës. /Telegrafi/

Nga BotaBotë