Në njëvjetorin e lansimit të “Phoenix”, Rita i falënderon fansat dhe paralajmëron gjera të reja për vitin 2020

Një vit më parë, Rita Ora e publikoi albumin e saj të dytë në karrierë, “Phoenix”, i cili tash kur kanë kaluar 12 muaj, ka arritur suksese të jashtëzakonshme.

Me këtë rast, duke shënuar njëvjetorin e publikimit, këngëtarja e ka postuar një video përmbledhëse me disa prej materialeve dhe ngjarjeve të rëndësishme të vitit që lamë pas. Në të njëjtën kohë, ajo i ka falënderuar fansat për mbështetjen dhe ka paralajmëruar projekte të reja për vitin e ardhshëm.

“Urime ditëlindjen e parë për ‘Phoenix’! Nuk mund të besoj se ka kaluar një vit që nga lansimi i albumit tim të dytë! Dua ta di këngën tuaj të preferuar dhe kujtimet tuaja më të mira nga albumi dhe turneu!”.

Lexo po ashtu U publikua një vit më parë, është dëgjuar mbi 2.2 miliardë herë dhe certifikuar me mirënjohje në disa shtete - Rikthimi i suksesshëm i Ritës me albumin "Phoenix"

“Mbështetja nga të gjithë ju ka qenë mahnitëse, jo vetëm në vitin e fundit, por gjithmonë dhe mezi pres t’i ndaj me ju në vitin e ardhshëm të gjitha gjërat në të cilat kam punuar”, ka shkruar Rita në përshkrimin e videos.

https://www.instagram.com/p/B5OBiGflFnY/

Ndryshe, shqiptarja e famshme një vit më parë publikoi albumin “Phoenix”, i dyti në karrierën e saj, që erdhi shumë vite më vonë nga sa ishte parashikuar dhe në një diferencë kohore shumë të gjatë nga albumi i saj debutues “Ora” (2012).

Albumi u publikua më 23 nëntor të vitit 2018 dhe përmban 12 këngë, përfshirë këtu hitet, si “Anywhere”, “Let You Love Me” e “Your Song”, ndërsa pati një interesim dhe shitje të jashtëzakonshme jo vetëm në Mbretërinë e Bashkuar, por në mbarë botën.

Një vit pas publikimit të tij, Rita numëron sukseset e mëdha të “Phoenix”, këngët e të cilit janë dëgjuar jo më pak se 2.2 miliardë herë vetëm në Spotify – atë që njihet si platforma më e madhe e muzikës online. /Telegrafi/