Jennifer Lopez i dhuroi bashkëshortit të saj Ben Affleck dhe të pranishmëve të tyre në dasmë një performancë pasionante gjatë dasmës së tyre në Georgia fundjavën e kaluar.
53-vjeçarja, doli në pistën e vallëzimit përballë aktorit, 50 vjeç, i cili ishte ulur në një karrige përballë saj, dhe bëri një rutinë kërcimi me disa kërcimtarë rezervë ndërsa performonte një këngë kushtuar burrit të saj të ri.
Kënga “Lovey-Dovey” përmbante vargje dashurie si: “Nuk po ngopem” që vazhdimisht përsëritej në refren, ndërsa Jennifer këndonte për pasionin dhe dashurinë për burrin e saj, shkruan DailyMail.
Zonja Affleck u filmua teksa këndonte: “Unë mund ta ndjej pasionin në sytë e tu/ Unë jam ende e dashuruar me ty/ Ti e di që nuk mund të ngopem/ Ti e di që nuk mund të ngopem”.
Beni me siguri u duk se po shijonte performancën speciale dhe u pa duke i buzëqeshur nuses së tij bukuroshe. Në një moment, interpretuesja e këngës e drejtoi mikrofonin në drejtim të Benit dhe madje e la të këndonte së bashku.
Çifti e dashur u pa duke u përqafuar dhe duke parë në sy njëri-tjetrin pas performancës së Jenniferit.
Ylli i “Hustlers” dukej e jashtëzakonshme në dasmën e saj me një fustan dekadent të dizajnuar nga Ralph Lauren, të stolisur me vargje perlash.
Kjo nuk është hera e parë që Lopez kompozon një këngë kushtuar të dashurit të saj.
Ajo kompozoi një këngë me titull "Dear Ben", e cila ishte pjesë e albumit të saj të vitit 2002 "This Is Me... Then" me vargje të zhurmshme si: "Ti je perfekt/Unë thjesht nuk mund ta kontrolloj veten/Nuk mund të jem me askënd. tjetër/ Më duket se jam e varur nga mënyra se si ti pëlqen të më prekësh”.
Në këngën e ëmbël ajo i tha Benit gjithashtu: “Të dua, je perfekt/ Një manifestim i ëndrrave të mia” si dhe “Mendoj se Zoti të ka krijuar për mua”.
Affleck gjithashtu ishte pjesë e klipit të saj "Jenny from the Block" në vitin 2002, ku ai kishte një skenë duke ia prekur të pasmet gjatë kohës që ata ishin në një jaht.
Dyshja aktualisht po shijojnë muajin e mjaltit në Itali pas dasmës madhështore e cila bëri shumë bujë javën e kaluar. /Telegrafi/
