LAJMI I FUNDIT:

Në ‘Met Gala 2024’ ishte edhe Mira Murati, shqiptarja revolucionare e OpenAI shkëlqeu e veshur me një fustan “Dior”

Në ‘Met Gala 2024’ ishte edhe Mira Murati, shqiptarja revolucionare e OpenAI shkëlqeu e veshur me një fustan “Dior”
Mira Murati në Met Gala 2024 (Foto: Tab Vintage/Instagram)

Ndërsa shumë yje të njohura shqiptare si Rita Ora dhe Dua Lipa janë përfolur gjithmonë për paraqitjet e tyre në Met Gala, ky vit shënoi edhe pjesëmarrjen e një tjetër shqiptareje me famë ndërkombëtare, Mira Murati, duke u shndërruar në një simbol dinamik të teknologjisë dhe modës në skenën botërore.

Në mbrëmjen glamuroze të Met Gala 2024, Mira Murati, Drejtoresha Teknike e OpenAI, u shfaq në të kuqe me një fustan të jashtëzakonshëm nga koleksionet e vjetra të “Christian Dior”.

Fustani “Athena” i vitit 1951, një kryevepër e dizajnuar nga vetë Monsieur Dior, u zgjodh personalisht nga Murati për të reflektuar ndërthurjen e saj të traditës me inovacionin – një festë e kulturës së përjetshme së ‘haute couture’ me një ndjesi teknologjike të zgjuar.


Mira Murati në Met Gala 2024 (Foto: Tab Vintage/Instagram)

OpenAI, ku Murati luan një rol kyç si CTO, në fakt ka bashkëpunuar me Muzuen Metropolitan të Artit në New York (vendi ku edhe mbahet Met Gala) për të sjellë inovacionin e AI në ekspozitën e Institutit të Kostumit për këtë pranverë me temë “Sleeping Beauties: Reawakening Fashion”.

Ata kanë krijuar një chatbot të personalizuar, i ndërtuar mbi bazën e GPT-4, që imiton një bisedë me Natalie Potter. Vizitorët do të kenë mundësinë të interagojnë me historinë e saj përmes tekstit, ndërsa shohin fustanin e saj të dasmës sirenë prej sateni në ekspozitë.

Mira Murati në Met Gala 2024 (Foto: Tab Vintage/Instagram)

Në gala, Murati shkëlqeu në fustanin “Athena” të Haute Couture F/W 1951 në një ngjyrë “shocking pink”, të cilin e kishte blerë nga Tab Vintage. Fustani u stilua nga Turner Turner dhe pati ndërhyrje stilistike nga Carol Ai studio, ndërsa për bizhuteritë zgjodhi shtëpinë e njohur Tiffanyandco.

Mira Murati në Met Gala 2024 (Foto: Tab Vintage/Instagram)

Kostumi i saj ishte një tribut për koleksionin e Dior të vitit 1951, i njohur si “Ligne Longue” (Linja e Gjatë). Kjo paraqiste një evolucion në punën e Dior, i frymëzuar nga Greqia e Lashtë dhe madje bëri fotosesionin editorial për këtë koleksion në Akropol.

Në biografinë e tij, Dior shkruan se koleksioni “Long line” ishte i preferuari i tij, duke sjellë një siluetë me proporcione të reja, nga kapelet deri te këpucët, duke përqendruar vëmendjen në bustin e drapuar nga i cili linjat divergjente të qepjeve ose të dartave nxirrnin trupin në një elegancë dhe fortesë maksimale. /Telegrafi/

Mira Murati në Met Gala 2024 (Foto: Tab Vintage/Instagram)

View this post on Instagram

A post shared by TAB VINTAGE (@tabvintage)

Në trend Magazina

Më shumë
Xheneta Fetahu kërcënohet në rrjete sociale, publikon mesazhet

Xheneta Fetahu kërcënohet në rrjete sociale, publikon mesazhet

Magazina
“Po të dua e lë pa ngrënë bukë”, Deklarata e fortë e Jozit për Gjestin: E bëj të qajë

“Po të dua e lë pa ngrënë bukë”, Deklarata e fortë e Jozit për Gjestin: E bëj të qajë

Magazina
Valbona me deklaratë të fortë: Me Jozin jemi ish-të dashur

Valbona me deklaratë të fortë: Me Jozin jemi ish-të dashur

Magazina
“Kjo është Rozana Radi, në televizion nacional krenohet se si ka rrahur

“Kjo është Rozana Radi, në televizion nacional krenohet se si ka rrahur", Rovena Stefa publikon një video të vjetër të banores së BBVA

Magazina
Gjesti shpreson të fitoj Big Brotherin: Kam luftuar për këtë vend, sa ‘dajakun’ e hëngra prej G Banit e sa fjalët e këqija më janë thënë

Gjesti shpreson të fitoj Big Brotherin: Kam luftuar për këtë vend, sa ‘dajakun’ e hëngra prej G Banit e sa fjalët e këqija më janë thënë

Magazina
Bleona Qereti shkëlqen në Oscars 2025, mbulohet me diamantë

Bleona Qereti shkëlqen në Oscars 2025, mbulohet me diamantë

Magazina
Kalo në kategori