Policia e Tiranës, në bashkëpunim me Forcat e Posaçme “Shqiponja” arrestuan një person i shpallur në kërkim nga autoritetet italiane për veprimtari kriminale në fushën e drogës.
Në kuadër të operacionit “Savona” u bë i mundur arrestimi me qëllim ekstradimi i shtetasit J. Gj., 29 vjeç, banues në Tiranë, njofton policia.
Ky shtetas ishte shpallur në kërkim ndërkombëtar, pasi autoritetet gjyqësore në Savona, Itali, kanë lëshuar urdhër arresti ndërkombëtar, për veprën penale “Shkelja e ligjit mbi narkotikët”, parashikuar nga Kodi Penal i Italisë. /Telegrafi/
